నటి సంగీత రిమాండ్ కు తరలింపు..

Posted: 06/04/2018 03:09 PM IST

Actress sangeetha balan sent to judicial remand

వ్యభిచారం కేసులో ప్రముఖ నటి అడ్డంగా బుక్కవ్వడంతో షాక్ కు గురైన తమిళ సినీ పరిశ్రమ.. ఒకింత విస్మయాన్ని కూడా వ్యక్తం చేసింది. నటిగా గుర్తింపు తెచ్చుకని.. సీనియర్ నటిగా స్థిరపడిన తరువాత ఈజీ మనీ కోసం చెడుమార్గాన్ని అన్వేషించిన ప్రముఖ నటిని పోలీసులు అదుపులో తీసుకోగా ఇవాళ అమెను న్యాయస్థానంలో ప్రవేశపెట్టి.. అనంతరం న్యాయమూర్తి అదేశాల మేరకు అమెను జుడీషియల్ రిమాండ్ కు తరలించారు. గుట్టుచప్పుడు కాకుండా కొంతమంది అమ్మాయిలతో సెక్స్ రాకెట్ ను నడుపుతూ పోలీసులకు అడ్డండగా బుకైన నటి ఎవరా.. అని అడుగుతున్నారా.. అమె మరెవరో కాదు తమిళ సీనియర్ నటి సంగీత బాలన్.

చెన్నైలోని పనయూర్ లోని ఓ ప్రైవేట్ రిసార్ట్‌లో అమ్మాయిలతో సంగీత బాలన్ వ్యభిచారాన్ని నుడుపుతున్నారని పోలీసులకు సమాచారం అందించింది. దీంతో వారు అకస్మికంగా దాడి చేయడంతో సంగీత బాలన్ సహా పలువురు యువతులు మరో వ్యక్తిని కూడా పోలీసులు అదుపులోకి తీసుకున్నారు. సతీష్ అనే వ్యక్తి సంగీత బాలన్ కు వ్యభిచార నిర్వహణలో అండగా వుంటాడని సమాచారం. దీంతో వీరిద్దరినీ ఇవాళ ఎగ్మోర్ కోర్టులోని న్యాయమూర్తి ఎదుట ప్రవేశపెట్టారు పోలీసులు. దీంతో న్యాయస్థానం వారికి రిమాండ్ విధించింది.

వ్యభిచారం చేస్తోన్న అమ్మాయిలు వేర్వేరు రాష్ట్రాలకు చెందినవారని, ముఖ్యంగా వీరిలో ఉత్తరాదికి చెందినవారే ఎక్కువగా ఉన్నట్లు పోలీసులు గుర్తించారు. అమ్మయిలందరినీ నగరంలోని పునరావాస కేంద్రానికి తరలించారు. కాగా, సంగీత బాలన్ 1996లో వచ్చిన తమిళ చిత్రం ‘కరుప్పు రోజా’ ద్వారా తెరంగేట్రం చేశారు. ఆ తరవాత క్యారెక్టర్ ఆర్టిస్టుగా పలు సినిమాల్లో నటించారు. ఈ మధ్య కాలంలో టీవీ సీరియళ్ల ద్వారా ఆమె బాగా పాపులర్ అయ్యారు. అలాగే వల్లి, పిళ్లై నిలా, అవల్ (విజయ టీవీ), చెల్లామే (సన్ టీవీ), అన్నకొడియుమ్ ఎయింధు పెంగలుమ్, సబిత అల్లీస్ సభాపతి వంటి టీవీ షోలలోనూ సంగీత పాల్గొన్నారు. ప్రస్తుతం రాధికా శరత్ కుమార్‌తో కలసి ‘వాణి రాణి’ అనే టీవీ సీరియల్‌లో సంగీత నటిస్తున్నారు. ఈ సీరియల్‌లో రాధికా, సంగీత అక్కచెల్లెళ్లుగా కనిపిస్తున్నారు.