మంత్రి హరీశ్ రావుకు ఊహించని ఝలక్

Posted: 12/08/2017 08:49 AM IST

తెలంగాణ రాష్ట్ర మంత్రి హరీశ్ రావు తన సెల్ ఫోన్ పోగొట్టుకొని వార్తల్లో కెక్కారు. గురువారం కన్నెపల్లి పంప్‌హౌస్ నిర్మాణ పనులను పరిశీలించిన సమయంలో ఈ ఘటన చోటు చేసుకుంది.

జయశంకర్ భూపాలపల్లి జిల్లాలో గురువారం ఆయన ముఖ్యమంత్రి కె.చంద్రశేఖరరావుతో కలిసి కాళేశ్వరం ప్రాజెక్టు పనులను పరిశీలించారు. ఈ సందర్భంగా కన్నెపల్లి పంప్‌హౌస్ పనులను పరిశీలించి వెళ్తున్న సమయంలో హరీశ్ తన మొబైల్‌ను పోగొట్టుకున్నారు. కారులో కొంత దూరం వెళ్లిన తర్వాత ఫోన్ పోగొట్టుకున్న విషయాన్ని గుర్తించిన మంత్రి తిరిగి వెనక్కి వచ్చారు. కారు దిగి స్వయంగా ఫోన్ కోసం చాలాసేపు వెతికారు. ఆ

యనకు సెక్యూరిటీ సిబ్బంది, ఇతర అధికారులు సాయం చేసినా ఫలితం లేకుండా పోయింది. దీంతో ఆయన వెనుదిరిగి వెళ్లిపోయారు. కాగా, గత కొన్ని నెలలుగా ఆయన క్రియాశీలకంగా వ్యవహరించటం లేదు. హైదరాబాద్ మెట్రో ప్రారంభం, జీఈఎస్-2017, ఇలా ఏ అంశంలోనూ ఆయన జోక్యం చేసుకోకపోవటంతో రకరకాల కథనాలు వెలువడ్డాయి.