వార్షిక వ్యాలిడిటీతో ఎయిర్ టెల్ సరికొత్త ప్లాన్..

Posted: 11/14/2017 03:59 PM IST

టెలికం రంగంలో వస్తున్న విప్లవాత్మకమైన మార్పుల నేపథ్యంలో ఇటు టెలికాం సంస్థల మధ్య కూడా తీవ్ర పోటీ నెలకొంది. దీనికి తోడు కొత్తగా ఈ రంగంలోకి అడుగుపెట్టిన రిలయన్స్ జియో.. ఉచిత ఆపర్లతో కస్టమర్లను అకర్షించి తమ ఖాతాలో వేసుకునే ప్రయత్నం చేయడంతో సంస్థల తీవ్రపోటీని ఎదుర్కొని నిలదొక్కునే ప్రయత్నాలు చేస్తున్నాయి. ఈ నేపథ్యంలో కస్టమర్లను జారవిడుచుకోవడం ఇష్టంలేని సంస్థలు ఎప్పటికప్పుడు సరికొత్త అఫర్లతో తమ వినియోగదారులను అకర్షిస్తున్నాయి.

ఈ క్రమంలో రిలయన్స్ జియోను కట్టడి చేసే విధంగా సమరానికి సై అంటున్న భారతీ ఎయిర్‌టెల్ మరో సూపర్ ఆఫర్ ను వినియోగదారుల ముందుకు తీసుకువచ్చింది. ఈ ప్లాన్ ప్రకారం ఇక ఏకంగా ఏడాది కాలం పాటు రీచార్జ్ చేయించుకునే అవసరం లేకుండా ప్లాన్ చేసింది. ఏడాది కాల పరిమితితో రూ.3,999కే 300 జీబీ డేటాను ఆఫర్ చేస్తోంది. ఈ ఆఫర్ కింద అపరిమిత లోకల్/ఎస్టీడీ కాల్స్, రోజుకు 100 ఎస్ఎంఎస్‌లు చేసుకోవచ్చు. అలాగే నేషనల్ రోమింగ్ ఉచితమని భారతీ ఎయిర్ టెల్ ప్రకటించింది.

ఎయిర్ టెల్ సరికొత్త ప్లాన్ లు ఇవే..
 
రూ.3,999 ప్యాక్
ఎయర్ టెల్ ప్రీపెయిడ్ వినియోగదారులు ఈ ప్యాక్‌ కింద అపరిమితంగా లోకల్/ఎస్టీడీ కాల్స్ చేసుకోవచ్చు. వాణిజ్య పరమైన కాల్స్ కూడా చేసుకోవచ్చు. 360 రోజులపాటు 300 జీబీ డేటాను పొందవచ్చు. రోజుకు 100 ఎస్ఎంఎస్‌లు చేసుకోవచ్చు.
 
రూ.1,999 రీచార్జ్ ప్యాక్
ఈ ప్యాక్ కాల పరిమితి 180 రోజులు. 125 జీబీ డేటా లభిస్తుంది. రోజుకు 100 ఎస్ఎంఎస్‌లు ఉచితం. అపరిమిత కాలింగ్, నేషనల్ రోమింగ్ ఉచితం.
 
రూ.999 ప్యాక్
ఈ ప్యాక్ కాలవ్యవధి 90 రోజులు. 60 జీబీ డేటా లభిస్తుంది. అపరిమిత లోకల్ /ఎస్టీడీ కాల్స్, వాణిజ్యపరంగానూ వాడుకునే వెసులుబాటు, నేషనల్ రోమింగ్ ఉచితం, రోజుకు 100 ఎస్ఎంఎస్‌లు ఉచితం.