యధేశ్చగా డ్రగ్స్ సరఫరా.. ఆ సంస్థలకు నోటీసులు

Posted: 07/17/2017 01:16 PM IST

తెలంగాణ రాష్ట్ర వ్యాప్తంగా సంచలనం రేపిన డ్రగ్స్ రాకెట్ కేసులో సినీపరిశ్రమకు చెందిన పలువురికి నోటీసులు ఇచ్చి.. తమ ఎదుట హాజరై వివరణ ఇవ్వాలని అదేశించిన ఎక్సైజ్ శాఖ అధికారులు.. మరోవైపు ఈ కేసులో మూలాలను నుంచి ధర్యాప్తును కొనసాగించే పనిలో పడ్డారు. తాజాగా రాష్ట్రంలోని పలు కొరియర్ సంస్థలకు నోటీసులు జరీ చేశారు. గోవా నుంచి హైదరాబాద్ కు డగ్స్ర్ ఎలా రవాణా అవుతున్నాయో..? తెలుసుకున్న అధికారులు.. ఆందుకు కొరియర్ సంస్థలు దోహదం చేస్తున్నాయని తెలుపుకున్నారు.

ఈ వార్తలు నేపథ్యంలో ఆనుమానిత కోరియర్ సంస్థలకు నోటీసులు జారీ చేశారు. ఎక్సైజ్ శాఖ సిట్ అదుపులో వున్న ప్రధాన నిందితుడు కెల్విన్ విచారణలో విల్లడించిన వివరాల నేపథ్యంలో అధికారులు నోటీసులు జారీ చేశారు. డ్రగ్స్ పంపినవారు, డెలివరీ తీసుకున్నవారు ఎవరెవరన్న కోణంలో విచారణ చేపడుతున్నారు. సిట్ రెండ్రోజుల విచారణలో కెల్విన్ తనతో పాటు ఈ డ్రగ్స్ రాకెట్ లో బ్రెండన్, నిఖిల్ శెట్టి, అమన్ నాయుడులకు సంబంధముందని తెలిపాడని సమాచారం. అయితే తామంతా ఎల్ఎస్డీ డ్రగ్స్ నే విక్రయిస్తామని తెలిపాడు.

కెల్విన్ సమాచారంతో అమన్ నాయుడు, నిఖిల్ శెట్టి, కుందన్ సింగ్ లను సిట్ తమ కస్టడీలోకి తీసుకుని ప్రశ్నించే అవకాశాలున్నాయి. కాగా ఇక కొకైన్ బ్యాచ్ ఉందని.. అందులో సినీ, రాజకీయ రంగాలకు చెందిన ప్రముఖులు, వారి పిల్లలు ఉన్నారని బయటకు రావడం మరింత కలకలం రేపుతోంది. దీంతో కేసు కొత్త మలుపులు తీసుకునే అవకాశం ఉంది. ముఖ్యంగా సినీ ప్రముఖులు కొకైన్ ను తీసుకుంటారని, విచారణలో మరికొందరి పేర్లు బయటకు రానున్నాయి.