ఇల్లీగల్ అఫైర్లు.. ఆపై బ్లాక్ మెయిల్

Posted: 06/19/2017 11:09 AM IST

Guntur woman black mail with illegal affairs

గుంటూరు జిల్లా వట్టిచెరుకూరు మండలం అనంతవరప్పాడు రోడ్డు. ఆదివారం ఉదయం సరిగ్గా 10 గంటలు అవుతోంది. ఎక్కడి నుంచి వచ్చిందో ఓ మహిళ ఓ చేతిలో పురుగుల మందు, మరో చేతిలో కూల్ డ్రింక్ బాటిల్ పట్టుకుని కూర్చుంది. ఇది గమనించిన చుట్టుపక్కల వాళ్లు మెల్లిగా పోలీసులకు సమాచారం అందించారు. అది పసిగట్టి వెంటనే మొదటి దాన్ని గబాళున తాగేసింది. ఇక స్థానికులు 108 కి సమాచారం అందించటం, సకాలంలో స్పందించటంతో ప్రాణపాయం తప్పింది.

ఇక బెడ్ పై ఉన్న మహిళను కదిలిస్తే ఆమె చెప్పిన వివరాలు కాస్త జుగుప్పగానే ఉన్నాయి. పాత గుంటూరు మణి హోటల్‌ ప్రాంతంలో నివసించే ఓ వ్యాపారవేత్త కుమార్తె ఆమె. 12 ఏళ్ల క్రితం శేఖర్ అనే ఓ యువకుడితో పెళ్లయ్యింది. వాళ్లకి ఓ పాప కూడా ఉంది. అయితే రెండేళ్లకే అతన్ని వదిలేసి మరో యువకుడిని పెళ్లి చేసుకుంది. అతనిపై కూడా మోజు తీరాక శ్రీమన్నారాయణ అనే వివాహితుడితో సంబంధం నడిపింది(వివాహం అయ్యిందని సదరు బాధిత మహిళ చెబుతుండటం విశేషం).

అతనితో కాపురం చేస్తూనే స్థానికంగా ఉండే మరో ఇద్దరు యువకులతో వివాహేతర సంబంధం ఏర్పరుచుకుంది. దీంతో శ్రీమన్నారాయణ ఆమెను ఇంట్లోంచి గెంటేశాడు. ఏడాది క్రితం ఆ ఇద్దరు యువకులు కూడా ఆమెను వదిలించుకున్నారు. దీంతో తన పోషణ కోసం డబ్బు ఇవ్వాలంటూ శ్రీమన్నారాయణ పై ఒత్తిడి తెచ్చింది. అందుకు అతను అంగీకరించకపోవడంతో తాము దిగిన ఫోటోలు లీక్ చేస్తానంటూ బ్లాక్ మెయిలింగ్ కు దిగింది.

పాత గుంటూరు పోలీసులను ఆశ్రయించాడంతో, వారు ఆమెను పిలిచి మందలించి పంపేశారు.దీంతో వేదనకు గురైన ఆమె... 'మీ అందరి అంతు చూస్తా'నని ఇలా సూసైడ్ అటెంప్ట్ చేసిందంట. ప్రస్తుతం ప్రాణాపాయం నుంచి బయటపడిన ఈ మహిళకు ఎలా సాయం చేయాలో అర్థం కాక తలలు పట్టుకుంటున్నారు పోలీసులు.