ఎదురుదెబ్బల మధ్య శశికళను వెంటాడిన విషాదం

Posted: 04/15/2017 05:15 PM IST

Sasikala s nephew mahadevan dies of heart attack in kumbakonam

అన్నాడిఎంకె ప్రధాన కార్యదర్శి వికె శశికళకు వరుసగా ఎదురుదెబ్బలు తగులుతన్న తరుణంలోనే మరో విషాదం వెన్నాడింది. ఆమె మేనల్లుడు టీవీ మహదేవన్ ( 47) ఆకస్మికంగా మరణించాడు. కుంభకోణంలో ఇవాళ ఉదయం తంజావూరులోని మహాలింగేశ్వర ఆలయానికి వెళ్లి ప్రత్యేక పూజలు నిర్వహించిన మహదేవన్ గుండెపోటుకు గురైయ్యారు. తీవ్రమైన నొప్పి రావడంతో ఆయన అలయంలోనే కుప్పలేలిపోయి మరణించారు. ఈ వార్త బెంగళూరులోని పరప్పనా అగ్రహార కారాగారంలో వున్న శశికళను తీవ్ర దిగ్భ్రాంతికి గురిచేసింది. మేనల్లుడి ఆకస్మిక మరణంతో కన్నీరు మున్నీరయ్యారు.

తంజావూరులోని మహాలింగేశ్వర ఆలయానికి వెళ్లిన మహదేవన్.. గర్భగుడి ఎదురుగా పూజల అనంతరం బయటికి వస్తుండగా ఛాతీ నొప్పితో ఒక్కసారిగా కుప్పకూలిపోయారు. సమీపంలోని ప్రైవేటు అస్పత్రికి తరలిస్తుండగానే మార్గమధ్యంలో ఆయన తుదిశ్వాస విడిచారు. దీంతో ఆయన మృతదేహాన్ని అస్పత్రికి కాకుండా నేరుగా ఆయన ఇంటికి తరలిచారు. కాగా మహదేవన్ అంత్యక్రియలను ఆదివారం నిర్వహించనున్నట్లు కుటుంబసభ్యులు తెలిపారు. మరోవైపు మేనల్లుడి మహదేవన్ అంత్యక్రియలకు హాజరయ్యేందుకు శశికళ పెరోల్‌కు దరఖాస్తు చేసుకున్నట్లు సమాచారం.

శశికళ పెద్ద ఆనయ్య డా.వినోదగన్ కొడుకు మహాదేవన్ తంజావూరులో స్థిరపడ్డారు. తంజావూరులో తండ్రి డా. వినోదన్‌ ఆధ్వర్వంలో స్థాపించిన వినోదగన్‌ అసుపత్రికి మహదేవన్‌ మేనేజింగ్ డైరెక్టర్ గా వ్యవహరిస్తున్నారు. ఆయనకు భార్య, ఇద్దరు కుమారులు ఉన్నారు. జయలలిత మరణం తర్వాత పార్టీ ఫోరమ్‌ సెక్రటరీగా బాధ్యతలు చేపట్టారు. శశికళతో అత్యంత సన్నిహితంగా ఉండే ఆయన, అన్నాడీఎంకే పార్టీ రెండుగా చీలిపోయిన సమయంలో శశికళ వెంటే వుంటూ పార్టీ నుంచి ఎమ్మెల్యేలు జారీపోకుండా కీలకంగా వ్యవహరించారు.