ఏయ్... ఎవడ్రా నువ్వు ? స్టార్ హీరోకి షాక్

Posted: 01/10/2017 11:26 AM IST

ఎక్కితే గిఱ్ఱపు రౌతు, దిగితే కాలిబంటు... ఇది ప్రముఖ హీరో విజయ్ కాంత్ పరిస్థితి. తమిళనాడు రాజకీయాల్లో ఒకప్పుడు ప్రతిపక్షంగా వెలుగు వెలిగిన ఆయన అన్నాడీఎంకే దెబ్బకి ఇప్పడు అడ్రస్ లేకుండా పోయాడు. ఇక అమ్మ చనిపోయాక రాజకీయంగా కలకలం రేగటంతో ఇదే సందుగా భావించి దూరేందుకు యత్నిస్తున్నాడు. ఈ క్రమంలో జల్లికట్టు క్రీడా నిషేధంపై తన పార్టీ డీఎండీకే తరపున పోరాటానికి సిద్ధమయ్యాడు.

ఈ క్రమంలో ఊరురా తిరుగుతున్న ఆయనకు ఓ విచిత్రమైన అనుభవం ఎదురైంది. సోమ‌వారం ఈరోడ్‌లో ఈరోడ్ జిల్లాలోని సెన్నిమ‌లై లో తన యాత్రను నిర్వహించారు. అయితే మ‌ధ్యాహ్య భోజ‌న స‌మ‌యం కావ‌డంతో మార్గ‌మ‌ధ్యంలో కారును ఆపి ఓ పెంకిటిల్లు వ‌ద్ద ఆగి అక్క‌డ ఉన్న ఖాళీ ప్ర‌దేశంలో సేద తీరారు. అరిటాకులు ప‌రుచుని ఇంటి నుంచి తెచ్చుకున్న భోజ‌నాన్ని వ‌డ్డించుకున్నారు. ఎండ దంచేస్తుండ‌డంతో విజ‌య‌కాంత్ త‌న త‌ల‌పై ఎర్ర‌ని తువ్వాల‌ను త‌ల‌పాగాలా చుట్టుకున్నారు. అదే స‌మ‌యంలో పొలం నుంచి వ‌చ్చిన ఇంటి య‌జ‌మాని వారిని చూసి అదిలించాడు.

ఎవ‌డ్రా మీరు? ఇక్కడేం పని? ఇక్క‌డ భోజనం ఎందుకు చేస్తున్నారంటూ క‌సురుకుంటూ వ‌చ్చాడు. కూడా పక్కనే ఆయన భార్య ప్రేమలత కూడా ఉంది. అయితే ద‌గ్గ‌రికొచ్చి చూసిన రైతు చాలా సేపటికి గానీ వాళ్లని గుర్తుపట్టలేకపోయాడు. ఆపై నిశితంగా పరిశీలించి ఆశ్చ‌ర్య‌పోయాడు. సాక్షాత్తు న‌టుడు విజ‌యకాంత్‌, ఆయ‌న భార్య ప్రేమ‌ల‌త కావ‌డంతో నోట‌మాట రాలేదు. ఆ త‌ర్వాత తేరుకుని ఇంట్లో నుంచి మ‌రిన్ని వంట‌కాలు తెచ్చి వారికి వ‌డ్డించాడు. రైతు అభిమానానికి ముగ్ధ‌లైన వారు వాటిని కూడా ఆర‌గించారు. విష‌యం తెలిసిన స్థానికులు వారిని చూసేందుకు పెద్ద ఎత్తున త‌ర‌లివ‌స్తుండ‌డంతో య‌జ‌మానికి థ్యాంక్స్ చెప్పి అక్క‌డి నుంచి త్వరగతిన వెళ్లిపోయాడు.