అపరిమిత ఇంటర్నెట్ తో మొబైల్ మార్కెట్ రంగంలో సంచలనాలకు తెరలేపిన రియలన్స్ జియో గురించి రాను రాను ఫిర్యాదులు పెరిగిపోతున్నాయి. నెట్ వర్క్ సమస్యలపై ఇదివరకే విమర్శలు వినిపించగా, తర్వాత కస్టమర్లు పెరిగిపోతుండంటతో నెట్ స్పీడ్ తగ్గిపోతుందని రిలయన్స్ ఓ ప్రకటన చేసింది కూడా. ఇక ఇప్పుడు ఏకంగా ఫోన్లు సైతం పేలిపోతుండటంతో ఒక్కసారిగా కలకలం రేగింది.
జమ్ముకశ్మీర్ లోని ఓ వ్యక్తి తన ఇంట్లో లైఫ్ స్మార్ట్ ఫోన్ పేలిన ఘటనకు సంబంధించి ఫోటోలను ట్విట్టర్ లో ఉంచాడు. కాస్తలో తన కుటుంబం పెద్ద ప్రమాదం నుంచి తప్పించుకుందని చెబుతూ... తన చేతికి అయిన గాయం కు సంబంధించిన ఫోటోను కూడా ఉంచాడు. అయితే అతను నేషనల్ కాన్పరెన్స్ చీఫ్ అయిన ఒమర్ అబ్దుల్లా వ్యక్తిగత సిబ్బంది కావటం విశేషం. దీంతో ఒమర్ కూడా స్పందించటంతో ఈ వార్త బాగా హైలెట్ అయ్యింది.
తాను సమీప భవిష్యత్తులో ఆ ఫోన్ ను వాడబోనని, మీ కుటుంబ సభ్యులు పెను ప్రమాదం నుంచి తప్పించుకోవటంపై సంతోషం వ్యక్తం చేస్తూ ఒమర్ తన సందేశంలో పేర్కొన్నాడు. తన్వీర్ సాధిక్ అనే వ్యక్తి చేసిన ఈ పోస్ట్ పై వెంటనే లైఫ్ సంస్థ కూడా స్పందించింది. 'మీకు కలిగిన అసౌకర్యానికి చింతిస్తున్నాం. దీనిపై దర్యాప్తు చేస్తున్నాం' అని అందులో పేర్కొన్నారు.
My family had a narrow escape today after @reliancejio 's @Reliance_LYF phone exploded & burst into flames. pic.twitter.com/NggIGMc8Zw
— Tanvir Sadiq (@tanvirsadiq) November 6, 2016
Glad everyone is safe Tanvir. This looks like it was a very narrow escape. I won't be using my handset anytime soon, that's for sure. https://t.co/gb9tXeD7aV
— Omar Abdullah (@abdullah_omar) November 6, 2016
4జీ తరంగాలను ఉచితంగా అందిస్తూ, శరవేగంగా విస్తరిస్తున్న రిలయన్స్ జియోకు ఇది ఖచ్ఛితంగా కాస్త బ్రేకులు వేసే వార్తేనని పలువురు అభిప్రాయపడుతున్నారు. కాగా, ఇది వరకు శాంసంగ్ ఫోన్లు పేలుతున్నట్లు పెద్ద కలకలం రేగగా, నోట్ 7 ను విమానాల్లో వాటిని నిషేధించిన విషయం తెలిసిందే. మరోవైపు తన వన్ ఫ్లస్ మొబైల్ పేలిన ఘటనపై ఓ వినియోగదారుడు ఇలాగే సోషల్ మీడియాలో రచ్చ చేయగా, దిగి వచ్చిన కంపెనీ అతనికి మూడు ఫోన్లను గిప్ట్ గా అందించింది.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more