ITEMVIDEOS: లంచం తీసుకుంటూ పట్టుబడ్డ ఎమ్మెల్యే

Posted: 10/26/2015 07:54 AM IST

అసలే నువ్వా నేనా అన్నట్లు సాగుతున్న బీహార్ ఎన్నికల్లో అవకాశం ఎప్పుడు దొరుకుందా అని ఎదురుచూస్తున్న ప్రతిపక్షాలకు మరో ఆయుధం దొరికింది. బీహార్ అసెంబ్లీ ఎన్నికల్లో ఎన్డీయే నుంచి గట్టిపోటీ ఎదుర్కొంటున్న అధికార జేడీయూకు మరో ఎదురుదెబ్బ తగిలింది. ఆ పార్టీకి చెందిన మరో ఎమ్మెల్యే సత్యదేవ్‌సింగ్ స్టింగ్ ఆపరేషన్‌లో దొరికిపోయారు. ఓ వ్యాపార వేత్త వద్ద 2 లక్షల లంచం స్వీకరిస్తున్న వీడియో సోషల్ మీడియాలో హల్‌ చల్ చేస్తున్నది. దీంతో నష్ట నివారణ చర్యల్లో భాగంగా ఈ ఘటనపై దర్యాప్తు చేస్తామని జేడీయూ జాతీయ అధికర ప్రతినిధి కేసీ త్యాగి తెలిపారు. ఈ ఘటనపై దర్యాప్తు చేసిన తర్వాత తగు చర్యలు తీసుకొంటామని రాష్ట్ర అదనపు ఎన్నికల ప్రధానాధికారి ఆర్ లక్ష్మణన్ చెప్పారు. దీనిపై పాట్నా జిల్లా మేజిస్ట్రేట్‌ను దర్యాప్తు అధికారిగా నియమించామన్నారు. కాగా, ఈ ఘటనపై ఎటువంటి ఫిర్యాదు అందలేదని సీనియర్ ఎస్పీ వికాస్ వైభవ్ తెలిపారు.