ITEMVIDEOS: పోకిరికి తగిన శాస్తి.. ఎత్తి కుదేసిన మహిళ..

Posted: 03/03/2015 09:30 PM IST

మగాళ్లతో ఎంత గోడవపడినా కేవలం మాటల వరకే కానీ ఎప్పుడూ చేతల వరకు తెచ్చుకోరు మహిళలు. అలాంటిది తనతో గొడవకు దిగిన ఓ వ్యక్తిని ఎంతో సాహసంతో ఎదుర్కొందీ మహిళ. అతడి చెంపలు వాయించమే కాదు.. ఎత్తి కుదేసి.. తనకు కుస్తీ పోటీలలోనూ ప్రవేశముందని నిరూపించుకుంది. మహారాష్ట్రంలోని ముంబై ప్రాంతంలో జరిగినట్లుగా భావిస్తున్న ఈ ఘటనకు సంబంధించిన వీడియో ఇప్పుడు సామాజిక మీడియాలో హల్ చల్ చేస్తోంది.

పోకిరీలను ఎదుర్కొనేందుకు ఈ మహిళ బుద్ధిచెప్పిన తీరును చూసి మిగతా మహిళలు కూడా నేర్చుకోవాల్సిన అవసరం ఉందని పలువురు భావిస్తున్నారు. తనతో  గొడవ పడిప దుండగుడి రెండు కాళ్లు ఎత్తి నేలకు కుదేసింది. వివరాల్లోకి వెళితే.. ప్రయాణం నిమిత్తం సదరు మహిళ రైల్వే స్టేషన్‌కు వచ్చింది. ఆమె దగ్గరికి వచ్చిన ఓ దుండగుడు ఆమెతో వాగ్వాదానికి దిగాడు. తీవ్ర ఆగ్రహానికి గురైన మహిళ అతడి చెంపలు వాయించింది.

మహిళ సాహసం చూస్తే డబ్ల్యూడబ్ల్యూఈ గుర్తుకు వచ్చేలా ఉందని పలువురు ప్రతిస్పందించారు. రైల్వే స్టేషన్‌లో ఓ వ్యక్తి ఈ ఘటనను వీడియో తీసి ఆన్‌లైన్లో పెట్టాడు. కాగా, ఈ వీడియోను వీక్షించే వారి సంఖ్య పెరిగిపోతోంది. అయితే ఆ వ్యక్తి ఆమెతో ఎందుకు గొడవ పెట్టుకున్నాడో తెలియదు. ఏదేమైనా దుండగుడికి బుద్ధి చెప్పిన మహిళదే విజయంగా చెప్పవచ్చు. అయితే అమె మహిళ కాదని, హిజ్రా అని కూడా వార్తలు అందుతున్నాయి. హిజ్రాలు మాత్రమే తమ పరిసరాలను పట్టించుకోకుండా తమతో గొడవ దిగిన వ్యక్తులను దుమ్మురేపుతారని, మహిళలు అంతటి సాహసం చేయరని కూడా వార్తలు వినబడుతున్నాయి. ఏదీ ఏమైనా పోకిరీలకు ఇలాంటి శాస్తి జరగాల్సిందేనంటున్నాయి మహిళా సంఘాలు.

జి. మనోహర్