దాడిని ఖండించిన ప్రధాని, ప్రపంచ దేశాలు

Posted: 01/08/2015 08:05 AM IST

ప్యారిస్ లో చార్లెస్ హెబ్డో పత్రికా కార్యాలయంపై జరిగిన దాడిని భారత రాష్ట్రపతి ప్రణబ్ ముఖర్జీ ఖండించారు. పత్రికా స్వేచ్ఛపై దాడి సహేతుకం కాదన్నారు. అటు ఉగ్ర దాడిని ప్రధాని నరేంద్రమోడి ఖండించారు. ఈ దాడి ప్రతి ఒక్కరూ ఖండించాల్సిందిగా అభిప్రాయపడ్డారు. దాడిలో చనిపోయిన కుటుంబాలకు ఆయన సానుభూతి ప్రకటించారు. ఈ దాడి నీచమైనదని ఆర్దిక మంత్రి అరుణ్ జైట్లీ అభిప్రాయపడ్డారు. ప్రపంచదేశాలు ఇప్పటికైనా ఉగ్రవాదంపై ఐక్యంగా పోరాడాలన్నారు.

అమెరికా, బ్రిటన్ సహా ప్రపంచ దేశాలన్ని ప్యారిస్ దాడిని ఖండించాయి. ఉగ్రవాదుల తీరు అనాగరిక చర్యగా అభిప్రాయపడ్డారు. పత్రికా స్వేచ్ఛపై దాడి చేయటం సరికాదని ఆగ్రహం వ్యక్తం చేశారు. ఉగ్రవాదంను ఉక్కుపాదంతో అణిచివేయాలని ప్రపంచ దేశాల నుంచి డిమాండ్లు వస్తున్నాయి. ఈ దాడిపై స్పందించిన ఫ్రాన్స్ ప్రధాని హోలండ్, దేశ ప్రజలంతా సంయమనంతో ఉండాలన్నారు. దాడి చేసిన ఉగ్రవాదులను పట్టుకుంటామని ధీమా వ్యక్తం చేశారు.