మగాళ్లకు కష్టకాలమే వచ్చింది. తమను తాము పెళ్ళికి ముందే నిరూపించుకోవాల్సిన సమయం ఏర్పడింది. నువ్వు మగాడివేనా అని సరదాకు అంటేనే ఏ మగాడూ సహించడు. అలాంటిది నువ్వు మగాడివేనా నాకు ఆధారాలతో నిరూపించాలి అంటే ఇంకేమైనా ఉందా? కాని ఇప్పుడు నిరూపించుకోక తప్పని పరిస్థితులు ఏర్పడుతున్నాయి. పెళ్ళికి ముందే మగాడా? కాదా? తెలుసుకునేలా నిబంధన తేవాలని మద్రాస్ హైకోర్టు అభిప్రాయపడింది. అంతేకాదు ఇలాంటి నిబంధన ఎందుకు తీసుకురాకూడదో చెప్పాలని కేంద్రానికి హైకోర్టు మధురై బెంచ్ నోటిసులు కూడా పంపింది.
ఓ కేసుపై విచారణ సందర్బంగా మద్రాస్ హైకోర్టు ఇంపొటెన్సి పరీక్షల అవసరాన్ని వివరించింది. ఎంఎస్సీ (ఐటి) చేసిన ఓ అమ్మాయికి గత సంవత్సరం పెళ్ళయింది. ఆ తర్వాత తన భర్త నపుంసకుడని తెలుసుకుంది. మగాడు కాని మొగుడితో తాననుండలేననీ వెంటనే తనకు విడాకులు ఇప్పించాలని కోర్టుకెక్కింది. ఆమె బాధను విన్న న్యాయమూర్తి జస్టిస్. కిరుబాకరన్ చలించిపోయారు. ఇలా నపుంసకత్వం కారణంగా వివాహబంధం విఫలమవకుండా ఉండాలంటే పెళ్ళికి ముందే లైంగిక పరీక్షలు నిర్వహించటం తప్పనిసరి చేయాలని అభిప్రాయపడ్డారు. ఈ అవసరం ఉందా?లేదా? అని ప్రశ్నించారు. నపుంసకత్వం కారణంగా చాలా కుటుంబాలు విడాకులు కోరుతున్నట్లు ఈ మద్య నమోదవుతున్న కేసులే చెప్తున్నాయని వెల్లడించారు.
ఇలా నపుంసకత్వం కారణంగా దాంపత్య జీవితం ఆగిపోకుండా ఉండాలంటే.., పెళ్లికి ముందుగానే లైంగిక సామర్య్ధ పరీక్ష నిర్వహించటం మంచిదని అభిప్రాయపడ్డారు. అంతేకాకుండా ఇలాంటి కేసుల్లో విడాకులు ఇచ్చేందుకు ఆరు నెలల నుంచి ఏడాదిలోపు ఈ కేసులు పరిష్కరించేలా చట్ట సవరణలు కూడా ఎందుకు చేయకూడదని కేంద్రాన్ని ప్రశ్నించారు. ఇక తనలో విషయం లేదన్న సంగతి పెళ్లి సమయంలో దాచిపెట్టి మోసం చేసిన వారి నుంచి పరిహారం ఇప్పించటంతో పాటు, వారికి శిక్షలు కూడా ఎందుకు విధించకూడదన్నారు. చాలా తీవ్రమైన ఇలాంటి సమస్యను పరిష్కరించేందుకు ఏ చర్యలు తీసుకుంటున్నారో చెప్పాలని కేంద్రాన్ని మద్రాస్ హైకోర్టు జడ్జి ఆదేశిస్తూ విచారణ వాయిదా వేశారు.
ఇప్పటికే దేశంలో ఆడ, మగ మద్య లింగ నిష్పత్తి తేడా ఏర్పడి.., ఆడవారికి డిమాండ్ ఏర్పడింది. వరకట్నం అడిగే అబ్బాయిలు ఇప్పుడు కట్నం పక్కనబెట్టండి కావాలంటే మేమే ఎదురు కట్నం ఇస్తామని అంటున్నారు. అలాంటిది ఇప్పుడు పెళ్ళికి ముందే పరీక్షలంటే.., పాపం మగాళ్ళకు ఎన్ని కష్టాలు. మగాడిగా పుట్టడమంటేనే పరిక్షలు ఎదుర్కోవటమా అని ప్రశ్నించుకుంటున్నారు మగ మహారాజులు.
కార్తిక్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more