హైదరాబాద్ అయిపోయింది..? ఇక... ? పవన్

Posted: 05/02/2014 05:30 PM IST

జనసేన అధినేత కొణిదల పవన్ కళ్యాణ్ సీమాంద్రలో ఎన్నికల ప్రచారం చేస్తున్న విషయం తెలిసిందే. సీమాంద్ర ప్రజలకు పవన్ ప్రసంగంతో సీమాంద్ర ప్రజల్లో ఆశలు పెంచాడు. దీంతో తెలుగుదేశం పార్టీ అధినేత నారా చంద్రబాబు నాయుడు, బిజేపి నేత నరేంద్ర మోడీలో కూడా ఆశలు నింపాడు పవన్ కళ్యాణ్ . అయితే ఈసారి పవన్ తన టార్గెట్ ను వైఎస్ఆర్ కాంగ్రెస్ అభ్యార్థి వైఎస్ జగన్ పై పెట్టారు.

జగన్ అనుచరులు హైదరాబాదు చుట్టూ భూ కబ్జాలు చేశారు. ఇప్పుడు గోదావరి జిల్లాల్లను దోచుకునేందుకు రంగం సిద్ధం చేశారని జనసేన అధినేత పవన్ కల్యాణ్ అన్నారు. తణుకులో జరిగిన బహిరంగ సభలో ఆయన మాట్లాడుతూ, వైఎస్ దోపిడీ వల్లే రాష్ట్ర విభజనకు బీజం పడిందని అన్నారు. జగన్ హటావో...సీమాంధ్ర బచావో అని పిలుపునిచ్చారు.

సీమాంధ్రుల ఆత్మగౌరవాన్ని జగన్ తాకట్టుపెట్టారని మండిపడ్డారు. తెలంగాణలో వైఎస్ దోపిడీ వల్ల జగన్ ను రాళ్లతో తరమికొట్టారని పవన్ అన్నారు. ప్రజలకు అన్యాయం జరుగుతుంటే చూస్తూ ఊరుకోనని ఆయన సవాలు విసిరారు. తనపై దాడులు జరిగే అవకాశం ఉందని, అయినప్పటికీ తాను భయపడనని పవన్ కల్యాణ్ తెలిపారు.

RS