ఎంతమంది సినీ స్టార్స్ వచ్చిన కాంగ్రెస్ ఓటమేనట?

Posted: 02/27/2014 04:14 PM IST

కాంగ్రెస్ పార్టీ ఇప్పుడు  సినీమా స్టార్స్ తో నిండిపోతుంది. టాలీవుడ్ , బాలీవుడ్ , కోలీవుడ్, శాండిల్ వుడ్  నుండి సినీ తారలు కాంగ్రెస్ పార్టీలోకి చేరుతున్నారు.  రాబోయే లోక్ ఎన్నికలను  ద్రుష్టిలో పెట్టుకోని , కాంగ్రెస్ పార్టీ  సినీతారల పై ఆదరపడినట్లు తెలుస్తోంది. ఇప్పుడు కాంగ్రెస్ తరపున సినీ నటులే ఎక్కువగా పోటీ చేస్తున్నారు. 

ఈ క్రమంలోనే నటి నగ్మా, జయప్రద, భోజ్ పురి నటుడు రవి కిషన్ లకు ఉత్తరప్రదేశ్ లో కాంగ్రెస్ సీట్లు కేటాయించినట్లు సమాచరం. ఒకప్పుడు దివంగత మాజీ ప్రధాని జవహర్ లాల్ నెహ్రూ పోటీ చేసిన యూపీలోని చారిత్రాత్మక నియోజకవర్గం పుల్ పుర్ ను నగ్మాకు కేటాయించాలని  కాంగ్రెస్ పెద్దలు ఆలోచిస్తున్నారు. 

ప్రస్తుతం భోజ్ పురిలో ఆదరణ ఉన్న నగ్మా గ్రామీణ ప్రాంతాల్లో తన ఫేమ్ తో ఓట్లు రాబడుతుందని నమ్ముతున్నారు. ఏఐసీసీగా సభ్యురాలైన ఆమె గతంలో 2004 లోక్ సభ ఎన్నికలకు కాంగ్రెస్ తరపున ప్రచారం చేసిన అనుభవం ఇప్పుడు కూడా ప్రజలను ఆకట్టుకుంటుందని నమ్ముతున్నారు. 

ఇక భోజ్ పురిలో విభిన్మ నటనతో స్టార్ డమ్ హోదా ఉన్న నటుడు రవి కిషన్ కు తూర్పు యూపీ నుంచి సీట్లు ఇవ్వనున్నట్లు సమాచారం. ఇక సమాజ్ వాదీ పార్టీ నుంచి బయటికొచ్చి, రాంపూర్ ఎంపీగా ప్రాతినిధ్యం వహిస్తున్న జయప్రద త్వరలో హస్త తీర్థం పుచ్చుకోవాలని చూస్తున్నట్లు సమాచారం. ఈ క్రమంలో యూపీలోని మైనారిటీలు ఎక్కువగా ఉన్న మోరాదాబాద్ నుంచి పోటీ చేయాలను అనుకుంటున్నారు. 

జయప్రద కు ఈ సారి  ఆంద్రపదేశ్ నుండి పోటీ చేయలని ఉందని ..అనేక సార్లు మీడియా ముందు చెప్పిన విషయం తెలిసిందే. ఇలాంటి సందర్భంలో జయప్రద కాంగ్రెస్ పార్టీలోకి చేరి, కాంగ్రెస్ హైకమాండ్ చెప్పినట్లు  వింటుందా? అని కాంగ్రెస్ పెద్దలు ఆలోచిస్తున్నారు.  

ఏమైన ఈసారి కాంగ్రెస్ పార్టీ ఓటమి గాలులు బాగా వీస్తున్నట్లు కొన్ని సర్వేలు చెబుతున్నాయి.  కాంగ్రెస్ హైకమాండ్ ఎంతమంది సినీ స్టార్స్ ను నిలబెట్టిన..ఫలితం శూన్యం అని  ఆ సర్వేలు  చెబుతున్నాయి.