విమానాశ్రయం నుంచి గన్ పార్క్ వరకు భారీ ప్రదర్శన

Posted: 02/23/2014 08:55 AM IST

ఈ రోజు తెలంగాణా మంత్రులు హైద్రాబాద్ తిరిగి వస్తున్న సందర్భంగా కాంగ్రెస్ పార్టీ కార్యకర్తలు వాళ్ళకి ఘనంగా స్వాగతం పలుకుతూ శంషాబాద్ ఎయిర్ పోర్ట్ నుంచి గన్ పార్క్ వరకు భారీ ప్రదర్శనతో చేరుకునే ఏర్పాట్లు చేసారు. 

ఢిల్లీలోనే ఉండి పార్లమెంటు ఉభయ సభలలోనూ రాష్ట్ర విభజన బిల్లును గట్టెక్కించి హైద్రాబాద్ తిరిగి వస్తున్న మంత్రులను తెలంగాణా సాధించి వచ్చిన నేపథ్యంలో పార్టీ కార్యకర్తలు ఘనస్వాగతంతో గన్ పార్క్ వరకూ తొడ్కొనివస్తున్నారు. 

ఈ భారీ ప్రదర్శన, అనంతరం గన్ పార్క్ లో చెయ్యబోయే ఆనందోత్సవంలో మంత్రులు గీతా రెడ్డి, డికే అరుణ, సునీతా లక్ష్మారెడ్డి, కె.జానారెడ్డి, ఉత్తమ్ కుమార్ రెడ్డి, డి.శ్రీధరబాబు తదితరులు పాల్గొంటున్నారు. 

-శ్రీజ