గరుడపంచమి పర్వదినాన గరుడ సేవ

Posted: 08/11/2013 11:47 AM IST

ఈ రోజు బ్రహ్మోత్సవాలలో ఐదవ రోజు.  గరుడ పంచమి సందర్భంగా వేంకటేశ్వరుడు తన ఇష్ట వాహనమైన గరుడుని అధిరోహించి తిరువీధులలో తిరుగనున్నారు.  సాయంత్రం 7.00 గంటలకు స్వర్ణ గరుడ వాహనారూఢుడైన దేవేరుని తిలకించటానికి రెండు కళ్ళు చాలవని భావించే భక్తులు ఆ ఉన్న కళ్ళకే విందుచేసుకుంటూ ఆనంద పారవశ్యంలో దర్శనం చేసుకుంటారు. 

వార్షిక బ్రహ్మోత్సవాలు, మూడు రోజుల వరుస శలవుల మూలంగా తిరుమలలో పోటెత్తిన భక్తజనం నిన్న 71552 మంది శ్రీ వేంకటేశ్వరుని దర్శనం చేసుకున్నారని అధికారిక లెక్కలు చూపిస్తున్నాయి.  ఇంకా భక్తులు వస్తూనేవున్నారు, దర్శనం కోసం ఎదురు చూస్తునేవున్నారు.

31 కంపార్ట్ మెంట్లలో వేచి వున్న భక్తులు ఆ కొద్ది క్షణాల దర్శనం కోసమే పడిగాపులు పడుతున్నారు.  ప్రస్తుతమున్న పరిస్థితినిబట్టి సర్వదర్శనానికి 22 గంటలు, 300 రూపాయల ప్రత్యేక దర్శనానికి 8 గంటలు, కాలి నడకన వచ్చే భక్తులకు 12 గంటల సమయం పట్టవచ్చని అంచనా.

-శ్రీజ