Posted: 02/15/2013 08:51 PM IST

 ఇచ్చాపురం ఎమ్మెల్యే పి. సాయిరాజు,  వెంకటరమణలను  తెలుగుదేశం  పార్టీ సస్పెండ్  చేసింది.   సాయిరాజు ఈ రోజు ఉదయం  చంచల్ గూడ  జైల్లో ఉన్న  వైఎస్ఆర్ కాంగ్రెస్ పార్టీ అధినేత  వైఎస్ జగన్మోహన్ రెడ్డి  కలిశారు. ఆయనతో పాటు  మాజీ ఎమ్మెల్యే  కలమట మోహన్ రావు, పాత పట్నం  నియోజకవర్గ  తెలుగుదేశం పార్టీ ఇంఛార్జీ  వెంకటరమణలు  కూడా  జగన్ ను కలిశారు.  టిడిపిలో  కొనసాగుతున్న  అంతర్గత  విభేదాలతో  విసిగిపోయామని  సాయిరాజ్  తెలిపారు.  తెదేపాలో  తమకు న్యాయం  జరగనందునే ఆ పార్టీని  వీడీ వైకాపాలో  చేరుతున్నట్లు  సాయిరాజ్  తెలిపారు.  వైఎస్ సంక్షేమ  పథకాలను  ప్రభుత్వం  నీరుకార్చిందన్నారు.