Posted: 12/28/2012 01:07 PM IST

తెలంగాణ పై కేంద్రం తన నాటకాన్ని  కొనసాగిస్తోందని  టీఆర్ఎస్ అధ్యక్షుడు కేసీఆర్ మండిపడ్డారు.  అఖిల పక్ష బేటీ పై తమకు సంత్రుప్తి లేదని... ఇది  పనికిమాలిన  సమావేశమని ఆయన ఆవేశంగా  అన్నారు.   అన్ని పార్టీలు  మళ్లీ  పాత పాటే  పాడయని  ఆయన ఆగ్రహం వ్యక్తం చేశారు.   కాంగ్రెస్ నేతలకు  చీము, నెత్తురు  ఉంటే పార్టీ నుంచి  బయటకు  రావాలని  కేసిఆర్ తెలంగాణ కాంగ్రెస్ నాయకులకు సవాలు విసిరారు.  కేంద్ర ప్రభుత్వ వైఖరికి నిరసనగా టీఆర్ఎస్ అధ్యక్షుడు కేసీఆర్ శనివారం తెలంగాణ బంద్‑కు పిలుపునిచ్చారు. సమావేశం అనంతరం ఆయన విలేకర్లతో మాట్లాడుతూ అఖిలపక్ష భేటీతో తెలంగాణకు ఒరిగిందేమీ లేదన్నారు. అన్ని పార్టీలు పాతపాటే పాడాయని కేసీఆర్ వ్యాఖ్యానించారు. తెలంగాణ బంద్‑ను విజయవంతం చేయాలని ఆయన పిలుపునిచ్చారు. నెలరోజుల్లో తెలంగాణపై నిర్ణయం అన్న షిండే మాటలు కంటితుడుపు చర్యలేనని కేసీఆర్ మండిపడ్డారు.