Posted: 12/17/2012 05:08 PM IST

నగరంలో తిరుగుతున్న బస్సులకు  హైకోర్టు బ్రేక్ వేసింది.  కాలుస్య నియంత్రణ  ప్రమాణాలు  పాటించకుండా  బస్సులు  నడుపుతున్నారంటూ  దాఖలైనా  ఓ ప్రజాప్రయోజన వ్యాజ్యంలో   ఆర్టీసికి  హైకోర్టు  నోటీసులు  జారీ  చేసింది.  ప్రత్యేకించి  కాలుష్య  నియంత్రణ మండలి  నిబంధనల  మేరకు  హైదరాబాద్ సికింద్రాబాద్ లలో భారత్ -4 ప్రమాణాలు  కలిగిన బస్సులనే నడపాల్సి ఉన్నప్పటికి   రాష్ట్ర రోడ్డు రవాణా సంస్థ  ఆ నిబంధనలను  ఉల్లంఘిస్తోందని  ఫిటిషనర్  కోర్టుకు  విన్నవించారు.     జంటనగరాలు కాకుండా ప్రమాణాల స్థాయి  తక్కువ  ఉన్న ప్రాంతాల్లో  బస్సులను రిజిస్ర్టేషన్  చేయించి   వాటిని  హైదరాబాద్  నగరంలో  తిప్పుతున్నారని   తద్వారా  స్థానిక  ప్రజల ఆరోగ్యానికి  హానీ  కలుగుతోందని  పిటిషనర్  హైకోర్టుకు తెలిపారు.  ప్రస్తుతం  జంట నగరాల్లో  భారత్  స్టేజ్ -3 స్థాయి ప్రమాణాలున్న వాహనాలను  మాత్రమే  ఆర్టీసీ నడుపుతోందన్నారు.   దీనిపై విచారణ చేపట్టిన  హైకోర్టు  ప్రధాన న్యాయమూర్తి  జస్టిస్ పినాకి  చంద్రఘోష్, జస్టిస్ విలాస్, వి. అప్జల్  పుర్కర్ లతో  కూడిన  థర్మాసనం ఆర్టీసికి, రవాణాశాఖ  కమిషనర్, కాలుష్య నియంత్రణ మండలికి  నోటీసులు జారీ చేస్తూ  కౌంటర్లు దాఖలు చేయాలని  ఆదేశాలిచ్చింది.  విచారణను నాలుగు  వారాల పాటు వాయిదా వేశారు.

.