Posted: 11/27/2012 07:51 PM IST

ఓ పక్క ప్రాణం భయం.. మరో పక్క కళ్లముందే  పలువురి ప్రాణాలు పోతోంటే నిస్సహాయతతో  కూడిన ఆగ్రహం.. తాజ్  హోటల్లో  మేనేజ్ మెంట్  ట్రెయినీగా అంకుర్ చావ్లా పద్నాలుగు గంటల పాటు అనుభవించిన  మన:స్థితిని  పదాల్లో  పెట్టడం కష్టమే. కానీ పెట్టి  చూపాడు.  అంకూర్. 2008  నవంబరులో ముంబయి తాజ్ హోటల్ పై ఉగ్రవాదుల దాడి జరిగినపుడు  అంకుర్ ఆ హోటల్లో  శిక్షణ పొందుతున్నాడు.  తన ప్రాణాలు కాపాడుకోవడం, హోటల్  సిబ్బందిగా అతిథుల ప్రాణాలు కాపాడడం.. ఈ రెండు విధుల  మద్య 14 గంటల పాటు తాను పడ్డ మానసిక వేదనకి  అక్షరరూపం  ఇచ్చాడు అంకుర్. ‘14 అవర్స్ – యాన్ ఇన్ సైడర్స్  అకౌంట్  ఆఫ్ ది 26/11 తాజ్ అటాక్’ పేరుతో  ఆ పుస్తకం  విడుదలైంది.  నవంబరు 26న పుస్తకం ఆవిష్కరించాలనుకున్నానని అయితే సరిగ్గా  నవంబరు 26కి ముందే కసబ్ ను ఉరి తీయడం  తనకు కాస్త త్రుప్తినిచ్చిందని  అంకుర్ అంటున్నాడు. దాడుల నుంచి  సురక్షితంగా బయటపడ్డ  మరికొందరి  కథనాలు కూడా ఈ పుస్తకంలో  ఉన్నాయి.