Posted: 11/15/2012 12:16 PM IST

 శివసేన అధ్యక్షుడు  బాల్ థాకరే ఆరోగ్యం  నిలకడగా ఉన్నట్లు  శివసేన అధికార ప్రతినిధి సంజయ్ రౌత్  ప్రకటించారు.  బాల్ థాకరే  ఆరోగ్యం పై  ఆందోళన చెందాల్సిన అవసరం లేదన్నారు.  గత రాత్రి కంటే  కంటే ఆయన ఆరోగ్యం మెరుగ్గా ఉందని వెల్లడించారు.  బాల్ థాకరేను  బిగ్ బీ అమితాబ్ బచ్చన్ , ఆయన కుమారుడు అభిషేక్  బచ్చన్  పరామర్శించారు.  థాకరే ఆరోగ్య  పరిస్థితి  విషమించడంతో బాంద్రాలోని  ఆయన ఇంటిలోనే చికిత్స పొందుతున్నారు.  అయితే  బిగ్ బీ  మాతో శ్రీ కి  చేరుకుని  థాకరేను  పరామర్శించారు.  బాల్ థాకరే  త్వరగా  కోలుకోవాలని  అమితాబ్  అకాంక్షించారు. మాతోశ్రీ వద్దకి ధాకరే  అభిమానులు, కార్యకర్తలు అధిక సంఖ్యలో  చేరుకోవడంతో  కొంత  గందరగోళం నెలకొంది. థాకరే గురించి అమితాబ్ మాట్లాడుతూ  1982 లో ‘కూలీ’  సినిమా షూటింగ్ లో జరిగిన  ప్రమాదంలో గాయపడిన  తనను ఆసుపత్రికి వచ్చి బాల్ థాకరే  పరామర్శించారని అమితాబ్ ట్వీట్ చేశారు.  తాను త్వరగా  కోలుకోవాలని థాకరే గీసిన  ఓ కార్టూన్ ను బహుమతిగా ఇచ్చారని  బిగ్ బీ ట్విట్ లో రాశారు.