Posted: 10/12/2012 05:56 PM IST

బూటకపు రక్షణ ఒప్పందంలో లంచం తీసు కున్న కేసులో జైలులో ఉన్న బిజెపి మాజీ అధ్యక్షుడు బంగారు లక్ష్మణ్‌ ఢిల్లీ హైకోర్టు బెయిల్‌ మంజూ రు చేసింది. బెయిల్‌ మంజూరు చేస్తూ రూ.50 వేల చొప్పున వ్యక్తిగత, ష్యూరిటీ బాండ్లు సమర్పించాలని న్యాయమూర్తి ఎకె పాఠక్‌ ఆదేశించారు. పదకొండేళ్ళ కిందట కొందరు  అండర్‌ కవర్‌ జర్నలిస్టుల బూటకపు రక్షణ ఒప్పందంలో భాగంగా వారి నుంచి 2001లో లక్ష రూపాయలు లంచం తీసుకున్నందుకు ప్రత్యేక సిబిఐ న్యాయస్థా నం ఆయనకు నాలుగేళ్ళ జైలు శిక్ష విధించడం తో ఏప్రిల్‌ 27న బంగారు లక్ష్మణ్‌ ను కస్టడీలోకి తీసుకున్నారు. తాను వృద్ధుడనని, అనేక అనారోగ్య సమస్యలతో బాధపడుతు న్నానంటూ సెప్టెంబర్‌ 4వ తేదీ లక్ష్మణ్‌ హైకోర్టును ఆశ్రయించారు. దీన్ని పరిశీలించిన కోర్టు ఆయనకు బెయిల్ మంజూరు చేసింది.