Posted: 08/26/2012 02:51 PM IST

       తీవ్ర విద్యుత్ సమస్యతో సతమతమవుతున్న మన రాష్ట్రానికి కేంద్రం ఊరటనిచ్చింది. తీవ్ర విద్యుత్ సంక్షోభంలో కొట్టుమిట్టాడుతున్న మన రాష్ట్రానికి అదనపు విద్యుత్ ఇచ్చేందుకు కేంద్రం నిర్ణయం తీసుకుంది. రాష్ట్రానికి అదనంగా 350 మెగావాట్ల విద్యుత్ ను ఇవ్వనున్నట్లు కేంద్ర మంత్రి వీరప్ప మొయిలీ తెలిపారు . ఇప్పటికే పలుమార్లు సీఎం కిరణ్ కుమార్ రెడ్డి విద్యుత్ సంక్షోభంపై కేంద్రానికి విన్నవించిన సంగతి తెలిసిందే. సీఎం తన మూడు రోజుల పర్యటనలో కూడా ఆంధ్రప్రదేశ్ రాష్ట్రానికి అదనపు విద్యుత్ అవసరమని  కేంద్రానికి తెలిపారు. ఇందులో భాగంగా అదనపు విద్యుత్ ను ఇవ్వడానికి నిర్ణయం తీసుకున్నట్లు మొయిలీ ప్రకటించారు.
       కాగా, రాష్ట్రంలో నెలకొన్న విద్యుత్ సమస్యపై ముఖ్యమంత్రి కిరణ్ కుమా రెడ్డి....విద్యుత్ శాఖ మంత్రి పొన్నాల, ఉన్నతాధికారులతో సుధీర్ఘంగా  సమీక్ష నిర్వహించారు. సచివాలయంలో  జరిగిన ఈ సమావేశంలో  సాంప్రదాయేత ఇంధన వనరులపై ప్రత్యేకంగా దృష్టి పెట్టాలని అధికారులకు సీఎం ఆదేశించారు. ప్రస్తుతం ఉత్పత్తి అవుతున్న సౌర విద్యుత్ 26.2 మెగావాట్ల నుంచి 97.5 మెగావాట్లకు పెంచేందుకు కేంద్రం నుంచి అనుమతులు వచ్చాయి. దీంతో సోలార్ విద్యుత్ ఉత్పత్తి పరిశ్రమల పనులను మరింత వేగవంతంగా పూర్తి చేయాలని సీఎం ఆ‎ధికారులను ఆదేశించారు.

..avnk