Posted: 08/16/2012 01:58 PM IST

ఆంధ్రప్రదేశ్ రాష్ట్ర డీజీపీ నియామకం పై హైకోర్టులో ప్రభుత్వానికి చుక్కెదురైంది. గతంలో డీజీపీగా దినేష్ రెడ్డి నియామకం చెల్లదని గతంలో కేంద్ర పరిపాలనా పరమైన వివాదాల పరిష్కార న్యాయస్థానం (క్యాట్) తీర్పు ఇచ్చిన విషయం తెలిసిందే. ఈ తీర్పు పై సవాలు చేస్తూ, రాష్ట్రప్రభుత్వం, డీజీపీ దినేష్ రెడ్డి హైకోర్టును ఆశ్రయించారు. ఈ కేసు పై విచారణ చేపట్టిన హైకోర్టు ఇవాళ తన నిర్ణయాన్ని వెల్లడించింది. డీజీపి నియామయకంలో క్యాట్ తీర్పును సమర్థిస్తూ దినేష్ రెడ్డి నియామకం చెల్లదని హైకోర్టు తీర్పునిచ్చింది. అంతే కాకుండా డీజీపీ స్థాయి అధికారుల లిస్ట్ ని యూపీఎస్సీకి పంపాలని, ఆ నివేదిక అందిన వారంలోగా కొత్త కమిటీని వేయాలని ప్రభుత్వానికి ఆదేశించింది. అంత వరకూ దినేష్ రెడ్డినే డీజీపీగా కొనసాగించాలని ఆదేశించింది. ఈ తీర్పును సవాలు చేస్తూ రాష్ట్రప్రభుత్వం, దినేష్ రెడ్డి సుప్రీం కోర్టును ఆశ్రయించే సూచనలు కనబడుతున్నాయి.