Posted: 07/28/2012 05:49 PM IST

       రాష్ట్రంలో ముఖ్యమంత్రి మార్పు ఖాయమా? రాజ్యసభ సభ్యుడు చిరంజీవిని సీఎం పదవి వరించే అవకాశం ఉందా. ఆ దిశగా అధిష్టానం ఆలోచిస్తుందా అనే సందేహాలకు ఇటీవల పరిణామాలు కొంత ఊతమిస్తున్నాయి. తాజాగా చిరంజీవి నమ్మిన బంటు, దేవాదాయశాఖ మంత్రి రామచంద్రయ్య మరోసారి సంచలన వ్యాఖ్యలు చేశారు. ముఖ్యమంత్రి మార్పుపై పరోక్ష సంకేతాలు పంపారు. చిరంజీవి ముఖ్యమంత్రి కావాలని ప్రజలు కోరుకుంటున్నారని ... వారి కోరిక త్వరలోనే నెరవేరబోతుందని రామచంద్రయ్య అన్నారు. పశ్చమ గోదావరి జిల్లా ద్వారకా తిరుమలకు వచ్చిన సందర్భంగా మంత్రి ఈ వ్యాఖ్యలు చేశారు. అయితే చిరు మాత్రం రాష్ట్రంలో న్యాయక్తత్వ మార్పు అవసరంలేదని అంటుండటం ఇక్కడ గమనార్హం..

....avnk