Posted: 06/16/2012 10:14 AM IST

కాంగ్రెస్ ఎంపీ చిరంజీవి,  రెండు రోజుల క్రితమే  వివాహమైన నవదంపతుల , రామ్ చరణ్,  ఉపాసనలు తిరుమలలో  శ్రీనివాసుని  దర్శించుకున్నారు.   ఉదయం  వీఐపీ విరామ సమంయలో  వారు శ్రీవారి సన్నిధికి  చేరుకున్నారు.  ఆలయంలోని  రంగనాయకులు మండపంలో  చిరు  కుటుంబసభ్యులకు  ఆలయ అధికారులు  తీర్థప్రసాదాలు  సమర్పించారు.   రామ్ చరణ్ , ఉపాసనలు  నేడు శ్రీవారి  కల్యాణోత్సవ  సేవలో  పాల్గొంటారు.  అనంతరం  ఇక్కడి నుండి  బయల్ధేరి  ప్రతాప్  రెడ్డి స్వగ్రామమైన  అరగొండకు వెళ్తారు. అక్కడ అర్థగిరి వీరాంజనేయస్వామిని  దర్శించుకుని, కొత్తగా  ఏర్పాటు చేసిన నీటి శుద్ది  ప్లాంట్. పాఠశాలను  ప్రారంభిస్తారు.

నూతన వధువరులు రామ్ చరణ్, ఉపాసనలు కలియుగ వైకుంఠ దైవం శ్రీనివాసుడిని దర్శించుకున్నారు. శ్రీవారి దర్శనార్ధం ప్రత్యేక విమానంలో కుటుంబసభ్యులతో కలసి వీరు హైదరాబాద్ నుండి తిరుపతి చేరుకున్నారు. ఈరోజు ఉదయం నైవేద్య విరామ సమయంలో స్వామివారిని దర్శించుకొని, హుండిలో కానుకలు సమర్పించారు. నూతన వధూవరుల్ని చూసేందుకు ఆలయం వెలుపల ఆభిమానులు పెద్దసంఖ్యలో చేరుకున్నారు. చిరు కుటుంబసభ్యులకు టీటీడీ చైర్మన్ కనుమూరి బాపిరాజు దగ్గర ఉండి దర్శన ఏర్పాట్లు పర్యవేక్షించారు.