Posted: 05/31/2012 07:54 PM IST

హైదరాబాద్ లో పెద్ద సెక్స్ రాకెట్ కుంభకోణం నడిపి, అమ్మాయిలను వ్యవభిచారంలోకి దింపుతూ, బడా నేతలను బ్లాక్ మెయిల్ చేస్తూ తన హవాని కొనసాగిస్తున్న సెక్స్ తారా రెండు నెలల క్రితం పోలీసులకు దొరికి, అరెస్టై చంచల్‌గూడ జైలులో ఉన్న తారా చౌదరికి బెయిల్ లభించింది. గురువారం నాంపల్లి కోర్టు తారా చౌదరికి బెయిల్ మంజూరు చేసింది. పదివేల రూపాయలు గల రెండు పూచీకత్తులతో కోర్టు తారకు బెయిల్ మంజూరు చేసింది. నాలుగుసార్లు బెయిల్ కోసం దరఖాస్తు చేసుకున్న తారాకు చుక్కెదురయింది. ఈసారి మాత్రం ఊరట లభించింది.

అమ్మాయిలను వ్యభిచార రొంపిలోకి దింపుతుందనే ఆరోపణలతో జూబ్లీహిల్స్ పోలీసులు రెండు నెలల క్రితం తారా చౌదరిని అరెస్టు చేశారు. ఇదే కేసులో ఆ తర్వాత తారా భర్త ప్రసాద్‌ను, వ్యక్తిగత కార్యదర్శి హనీఫ్‌ను పోలీసులు అరెస్టు చేశారు. వారిని తమ కస్టడీకి తీసుకొని విచారించారు. మరి ఇప్పుడు బయటి వచ్చిన తారా ఇకనైనా బుద్ధిగా ఉంటుందా ? లేక మళ్ళీ అదే పని చేస్తుందా ? చూడాలి.