Posted: 05/25/2012 10:32 AM IST

అక్రమాస్తుల కేసుకు సంబంధించి వైయస్సార్ కాంగ్రెస్ పార్టీ అధ్యక్షుడు, కడప ఎంపీ వైయస్ జగన్ మోహన్ రెడ్డి సీబీఐ విచారణ నిమిత్తం ఉదయం 10.30 గంటలకు తన తన నివాసం నుంచి దిల్ కుషా అతిథిగృహానికి తన అనుచరులతో కలిసి నాలుగు వాహనాల్లో బయల్దేరి వెళ్లారు. అంతకు ముందు తన నివాసంలో ఆయనతో పలువురు పార్టీ నేతలు భేటీ అయ్యారు. అరెస్టు తరువాత  పార్టీలో ఎవరెవరికి కీలక బాధ్యతలు అప్పగించాలనే దానికి చర్చించినట్లు సమచారం. కాగా లోటల్  పాండ్ లోని జగన్ నివాసం వద్ద పోలీసులు భారీగా మోహరించారు. అలాగే దిల్ కుషా అతిథిగృహం పరిసర ప్రాంతాల్లో ట్రాఫిక్ ఆంక్షలు విధించారు. మరో కొన్ని గంటల్లో జగన్ అరెస్టు కు ముహూర్తం ఖరారు అయినట్లు చెబుతున్నారు.