Posted: 05/08/2012 06:45 PM IST

మనిషి కోతి నుంచే వ చ్చాడనడానికి జపాన్‌లోని టోక్యోకు చెందిన కెనిచి ఇటో(29)నే ప్రత్యక్ష నిదర్శనం. ఎందుకంటే.. ఇతడు కోతుల్లాగే నాలుగు కాళ్ల మీద పరిగెత్తుతాడు. ఎంతలా అంటే.. చివరికి గిన్నిస్ బుక్‌లోకి కూడా ఎక్కేసేంతగా.. కెనిచి కేవలం 20 సెకన్ల వ్యవధిలో 100 మీటర్ల దూరం పరిగెత్తగ లడట. దీంతో ప్రపంచంలో నాలుగు కాళ్ల మీద అత్యంత వేగంగా పరిగెత్తే మనిషి ఇతడేనని గిన్నిస్ బుక్‌వారు కూడా తీర్మానించేశారు. చిన్నప్పటి నుంచి కోతులంటే తెగ ఇష్టమని చెబుతున్న కెనిచి.. ఎనిమిదిన్నరేళ్ల నుంచి ఇలా కోతుల తరహాలో పరిగెత్తడం ప్రాక్టీస్ చేశాడు.

ఆఫ్రికాకు చెందిన పాటాస్ కోతులు పరిగెత్తే శైలిని అనుకరించే కెనిచి.. వాటిలాగే ఆరు రకాల స్టైల్స్‌లో పరిగెత్తుతాడట. ప్రస్తుతం తనలాగే ఇలాంటి విచిత్రమైన ఆసక్తి ఉన్నవారికి పరిగెత్తడంలో శిక్షణ ఇస్తున్నాడు. మీకో విషయం తెలుసా? ఇతడు తొలినాళ్లలో ఇలాగే నాలుగు కాళ్ల మీద పరిగెత్తుతుంటే.. ఓ వేటగాడు అడవి పంది అని పొరబడి.. కాల్చేయబోయాడట!!