Posted: 05/06/2012 03:00 PM IST

      ప్రముఖ నిర్మాత బండ్లగణేష్ తనను బ్లాక్ మెయిల్ చేస్తున్నాడని తాజా ఆరోపణ.  నిర్మాతగా మారిన ఈ హాస్యనటుడు ఇప్పుడు వివాదాల్లో చిక్కుకుంటున్నాడు. రాష్ట్ర మంత్రి బొత్స సత్యనారాయణ పేరు చెప్పి, గణేష్ తనను బ్లాక్ మెయిల్ చేస్తున్నాడని విదేశాల్లో తెలుగు చిత్రాలు పంపిణీ చేసే ఎన్.సుబ్బారావు ఆరోపిస్తున్నారు. తన సినిమాల విదేశీ హక్కుల విషయంలో రోజుకో మాట మారుస్తూ, ఆర్ధిక లావాదేవీల్లో మోసం చేస్తున్నాడని ఆయన మీడియా సమావేశంలో తీవ్రంగా విమర్శించారు.
        "గతంలో తీన్ మార్ చిత్రం విదేశీ హక్కుల కోసం 2.25 కోట్లు తీసుకుని సకాలంలో ప్రింట్లు ఇవ్వలేదు. దాని వల్ల ప్రీమియర్ షో వేయలేకపోవడంతో 48 లక్షలు నష్టపోయాను. ఇదేమని అడిగితే, తన వెనుక బొత్సా ఉన్నారనీ, రౌడీల అండ కూడా వుందని గణేష్ బెదిరించాడు. ఈ విషయంపై ఫిలిం చాంబర్ కి ఫిర్యాదు చేసినా న్యాయం జరగడం లేదు" అన్నారు సుబ్బారావు.

       ఈ అంశం పై సమగ్ర విచారణ జరగాలని అసలు బొత్సకు గణేష్ కు ఏమిటి సంబంధం తేల్చాలని టీడీపీ నేతలు ఈ అంశాన్ని రాజకీయం చేసే పనిలో పడ్డారు.

...avnk