Posted: 04/03/2012 01:49 PM IST

మన రెవెన్యూ శాఖ మంత్రి రఘువీరా రెడ్డి అప్పడప్పుడు సరదా పనులతోపాటు మంచి పనులు కూడా చేస్తుంటాడు.  ఈయన మొన్న శ్రీరామనవమి సందర్భంగా కబడ్డీ ఆడి అందరినీ ఆశ్చర్య పరిచారు. నిన్న ఆయ కుటుంబ సభ్యుల ఆధ్వర్యంలో అనంతపురం జిల్లా మడకశిర మండలం నీలకంఠాపురంలో 71 జంటలకు సామూహిక వివాహాలు చేశారు. ఈ కార్యక్రమానికి ముఖ్య అతిథులుగా నంజావధూత స్వామీజీ, సినీహీరో జగపతిబాబు పాల్గొన్నారు. ఈ జంటలకు నంజావధూత స్వామీజీ, జగపతిబాబు చేతుల మీదుగా తాళిబొట్లు, కాలిమెట్టెలు, నూతనవస్త్రాలు అందజేశారు. ఈయన కుటుంబీకులు గత 30 ఏళ్ళుగా సామూహిక వివాహాలు చేస్తూ వస్తున్నారు.