Posted: 03/20/2012 01:48 PM IST

మరణశిక్ష పడిన ఖైదీని ఉరి తీసేందుకు పంజాబ్లోని పటియాలా కేంద్రీయ కారాగారం సూపరింటెండేంట్ నిరాకరించారు. పంజాబ్ జైళ్ల నిబంధనల ప్రకారం జైల్లో తలారీ లేకపోతే సూపరింటెండేంట్ తలారీ బాధ్యతను నిర్వర్తించాల్సి ఉంటుంది. 1995 అప్పటి పంజాబ్ ముఖ్యమంత్రి బియాంత్ సింగ్ హత్యలో దోషిగా తేలిన బబ్బర్ ఖల్సా రాజోనాను మార్చి 31న ఉరితీయాలా.. వద్దా అనే విషయమై పంజాబ్‌లో చర్చోపచర్చలు నడుస్తున్నాయి. ఆ సంఘటన పంజాబ్‌లో జరగలేదని, వేరే కేంద్రపాలిత ప్రాంతంలో జరిగినందున ఆ విషయమై నిర్ణయం తీసుకోవాల్సింది ఆ ప్రభుత్వమేనని పంజాబ్ ముఖ్యమంత్రి ప్రకాష్ సింగ్ బాదల్ అంటున్నారు. తలారి లేనందున జైలు సూపరింటెండెంటే ఉరి తీయాలని నిబంధనలు చెబుతుండగా.. ఆ పని చేయడానికి బదులు ఉద్యోగం మానేసి వెళ్లిపోతానని ఆ సూపరింటెండెంట్ అంటున్నారు.జైలు సూపరింటెండెంట్ రాజన్ కపూర్ కూడా ఇదే ఆందోళన వ్యక్తం చేశారు. అతడిని ఉరి తీసి సిక్కుల ఆగ్రహానికి కారణం కావడం కంటే, ఉద్యోగం వదిలేయడమే తనకు శ్రేయస్కరమని జైళ్ల శాఖ డీజీపీతో ఆయన అన్నట్లు తెలిసింది.