Posted: 03/07/2012 01:29 PM IST

ఐపీఎల్ 2012 (ఇండియన్ పోల్స్ లీగ్) యూపీ అసెంబ్లీ ఎన్నికల్లో కాంగ్రెస్ పార్టీకి భంగపాటు కలగడమే కాకుండా, వారి బంధువర్గానికి భంగపాటు ఎదురైంది. కాంగ్రెస్ పార్టీకి చెందిన పలువురి ప్రముఖ నేతల బంధువులు ఈ ఎన్నికల్లో దారుణ పరాజయాన్ని చవి చూశారు. పరాజయం పాలైన ప్రముఖుల బంధువుల్లో కేంద్ర న్యాయశాఖ మంత్రి సల్మాన్ ఖుర్షీద్ భార్య లూసీ ఖుర్షీద్, కాంగ్రెస్ ఎంపీ సంజయ్ సింగ్ భార్య, మాజీ బ్యాడ్మింటన్ క్రీడాకారిణి అమితా సింగ్, యూపీ మాజీ సీఎం, ప్రస్తుత ఎంపీ జగదాంబికా పాల్ తనయుడు అభిషేక్ పాల్, ఉక్కుశాఖ మంత్రి బేణీప్రసాద్ వర్మ కుమారుడు రాకేష్ వర్మ, యూపీసీసీ అధ్యక్షురాలు రీటా బహుగుణ జోషీ సోదరుడు శేఖర్ బహుగుణ తదితరులు ఉన్నారు.