Posted: 02/29/2012 08:38 PM IST

మన దేశంలో జరుగుతున్న అవినీతి వలనో లేక రాజకీయాల్లోకి రావాలన్న ఆకాంక్షో తెలియదుకానీ మన దేశ యువత రాజకీయాల్లోకి రావాలనే వారి సంఖ్య రోజురోజుకి పెరుగుతుందట. సెంటర్ ఆఫ్ స్టడీస్ ఫర్ డెవలపింగ్ సొసైటీ,, జర్మనీకి చెందిన కేఏఎస్ సంస్థ సంయుక్తంగా నిర్వహించిన సర్వేలో ఈ నిజం బయటపడింది.

వారు 2,565 మంది పై సర్వే నిర్వహించి నివేదికను రూపొందించారు. 90 వ దశకం మధ్య కంటే ప్రస్తుత యుతవ రాజకీయాలపై మక్కువ ప్రదర్శిస్తున్నారని ఈ సర్వేలో బయటపడింది. 18-33 ఏళ్ళ మధ్య వారిలో 52 శాతం మంది రాజకీయాలపై ఆసక్తి ఉందని తెలిపారు. 1996లో ఇది కేవలం 37 శాతమే ఉండటం గమనార్హం. వారసత్వ రాజకీయాలను 53 శాతం మంది తీవ్రంగా వ్యతిరేకించారు. 69 శాతం మంది ప్రజాప్రతినిధులను వెనక్కి పిలిచే హక్కు ఉండాలని పేర్కొన్నారు. రాజకీయాల్లో ప్రవేశించాలన్న ఆసక్తి ఉన్నా రాజకీయ కుటుంబ నేపథ్యం లేనందున అవకాశం ఉండదేమోనని పలువురు అభిప్రాయ పడ్డారు. ఏదైతేనేమీ యువత రాజకీయాల్లోకి రావాలనే ఆకాంక్ష ఉండటం గమనార్హం.