Posted: 01/22/2012 07:42 PM IST

  తెలంగాణ తెలుగు తమ్ముళ్లు ప్రాణహిత చేవెళ్ల ప్రాజెక్టు నిర్మాణంలో జాప్యాన్ని నిరసిస్తూ చేయదలచిన పాదయాత్ర కు వెనకడుగేశారు. అసలు ఈనెల 25న చేవెళ్ల నుంచి తెలుగుదేశం తెలంగాణ ఫోరం పాదయాత్ర చేయాలని తొలుత నిర్ణయించారు. అయితే కొన్ని కారణాల వల్ల ఈ కార్యక్రమాన్ని వాయిదా వేస్తున్నట్టు ఫోరం ప్రకటించింది.

ప్రాజెక్టు నిర్మాణానికి సంబంధించి ఈ మధ్య టీడీపీ నేతలు సీఎం, పీఎం ను కలవాలని ప్రయత్నించినప్పటికినీ అపాయింట్ మెంట్ దొరకకపోవటంతో ఈ నిర్ణయానికి వచ్చినట్టు సమాచారం. రేపు సీఎంను కలిసి నేతలు వినతిపత్రం సమర్పించాలని నిర్ణయించినట్టు ఫోరం కన్వీనర్ ఎర్రబెల్లి తెలిపారు. ఈనెల 25న ప్రాణహిత చేవేళ్ల ప్రాజెక్టుకుశంకుస్థాపన చేసిన చేవెళ్లలో ధర్నా చేపట్టాలని కూడా నిర్ణయించామని ఆయన స్పష్టం చేశారు.

…avnk