Posted: 01/21/2012 10:42 AM IST

స్థానిక ఎమ్మెల్యే ఇంటికి గాని, తన ఇంటికి గాని సీబీఐ అధికారులు వస్తే చెప్పు తీసుకొని కొట్టే ధైర్యం తనకు ఉందని నరసరావు పేట ఎంపి మోదుగుల వేణుగోపాలరెడ్డి చెప్పారు. గుంటూరు జిల్లా గురజాల వి.యమ్‌.ఏ. యస్‌. క్లబ్‌లో జరిగిన టీడీపీ నియోజక వర్గ కార్యకర్తల సమావేశంలో ఆయన మాట్లాడారు. ఐఎఎస్‌ అధికారి శ్రీలక్ష్మి జైలుకు వెళ్ళేటప్పుడు ఏడుస్తూ వెళుతుందని, తప్పుడు సంతకాలు పెట్టేటపుడు తెలియదా అంటూ మండిపడ్డారు. ముఖ్యమంత్రి కిరణ్‌కు రాష్టంలో ఏయే ప్రాంతాలలో ఏ పంటలు వేస్తారో తెలియదంటే అంతకంటే సిగ్గుచేటు ఉండదని విమర్శించారు. రైతు పక్షపాతిగా చెప్పుకొనే ఓ క్రికెట్‌ పిచ్చొడు కేంద్రంలో వ్యవసాయ మంత్రిగా వున్నారని వ్యాఖ్యానించారు. అలాగే దివంగత ముఖ్యమంత్రి వైఎస్‌ తన హయాంలో గాలి జనార్ధన్‌రెడ్డికి దోచి పెట్టారన్నారు.