Posted: 01/05/2012 04:47 PM IST

అవిశ్వాస తీర్మానంలో లక్ష్మణరేఖదాటిన 17 మంది శాసన సభ్యులకూ సభాపతి తాఖీదులు పంపించారు. అవిశ్వాస తీర్మానంలో పార్టీ విప్ ను ఉల్లంఘిస్తూ పార్టీకి వ్యతిరేకంగా ఓటు వేసినందుకు షోకాజ్ నోటీసులు జారీ చేసిన సభాపతి నాదెండ్ల మనోహర్, ఆయన్ను కలిసి ప్రత్యక్షంగా వివరణనివ్వటానికి వేరు వేరు తేదీలను నిర్ణయించి ఆ నోటీసుల్లో తెలియజేసారు. నిజానికి స్పీకర్ వారికి ఎటువంటి అవకాశమూ ఇవ్వకుండానే చర్యలు తీసుకోవచ్చు కానీ ఈ విషయంలో సమన్యాయం ఉండాలనే ఉద్దేశ్యంతో సభాపతి అందరికీ మరో అవకాశం ఇచ్చారు.

పోయిన నెలలో 26 వ తేదీన ప్రరాపా విప్ ధిక్కరించినందుకు శోభా నాగిరెడ్డిక, 27న 16 మంది కాంగ్రెస్ విప్ ని ధిక్కరించినవారికీ నోటీసులు పంపగా వివిధరకాలుగా వారు స్పందించారు. అందువలన మరోసారి వివరంగా సంజాయిషీనివ్వటానికి సభాపతి అందరికీ మరో సారి ఈ అవకాశమిస్తూ, ఈ నెల 18 నుంచి 21 వరకూ నోటీసులు పంపిన శాసనసభ్యులకు కేటాయించారు.

శోభా నాగిరెడ్డి విప్ చెల్లదని ఒకసారి, రాజీనామా చేస్తున్నానని ఒకసారి, మూడవసారి తాను విప్ ని ఉల్లంఘించటానికి కారణాన్ని సీల్ చేసిన కవర్ లో సభాపతికి అందజేసారు. కాంగ్రెస్ పార్టీ శాసనసభ్యులలో కొందరు కొన్ని రకాల వివరణనలిస్తే మరికొందరు, వారిని తొలగించనందువలన ఉప ఎన్నికలొస్తే గెలిచే అవకాశాలు తక్కవగా కనిపిస్తుండటం వలన అనర్హతాదేశాలివ్వవద్దని కోరినట్టుగా సమాచారం. అందుకే ఈ గందరగోళమంతా సమసిపోవటానికి సభాపతి మరోసారి అందరికీ సమానంగా అవకాశమిచ్చారని తెలుస్తోంది.

-శ్రీజ