Posted: 12/09/2011 09:34 AM IST

ప్రముఖ సినీ నటుడు మహేశ్ బాబుకు మరోసారి ఐటి శాఖ దాడుల సెగ తగిలింది. మహేష్ బాబు ఇంట్లో ఆదాయపు పన్ను శాఖ అధికారులు సోదాలు నిర్వహించారు. గురువారం రాత్రి హైదరాబాద్ ఫిలింనగర్ సమీపంలోని ఆయన ఇంటికి అధికారులు వచ్చి రికార్డులను పరిశీలించి కొన్ని కీలక పత్రాలను సేకరించారు. ఆ సమయంలో మహష్ అక్కడే ఉన్నాడు. రాత్రి వరకు తనిఖీలు కొనసాగాయి.

మహేష్ ఇటీవల నటించిన వాణిజ్య ప్రకటనలకు తీసుకున్న పారితోషికం వివరాలను తెలుసుకున్నారు. మొన్న దూకుడు సినిమాకు భారీగా లాభాలు రావడంతో ఆ నేపధ్యంలోనే ఈ సోధాలు నిర్వహించారని సమాచారం. కొద్ది రోజుల క్రితం ‘దూకుడు’ నిర్మాతల కార్యాలయం పై దాడులు జరిపిన విషయం తెలిసిందే.