Posted: 12/02/2011 08:20 PM IST

తెలంగాణ తీర్మానం అసెంబ్లీలో ప్రవేశపెట్టడం కుదరదంటూ సీఎం కిరణ్ కుమార్ రెడ్డి పరోక్షంగా కాస్త బెదిరింపు ధోరణిలో మాట్లాడారు. అసెంబ్లీ సమావేశాలు వాయిదా పడిన అనంతరం ఆయన మీడియాతో పిచ్చాపాటిగా మాట్లాడారు. అసెంబ్లీలో తెలంగాణపై తీర్మానం ప్రవేశ పెట్టలేమని తేల్చి చెప్పేశారు. ఒకవేళ తీర్మానం పెట్టినా ఏం జరుగుతుందో అందరికీ తెలుసునంటూ వ్యాఖ్యానించారు. ఈ అంశంపై జాతీయస్థాయిలో చర్చ జరుగుతోందని చెప్పారు. వైయస్ జగన్మోహన్ రెడ్డి వర్గం ఎమ్మెల్యేలు అందరూ కాంగ్రెసు పార్టీకి చెందిన వారే అన్నారు. అవిశ్వాసంపై తమకు ఎలాంటి ఆందోళన లేదన్నారు. తెలుగుదేశం పార్టీ అవిశ్వాసం ప్రవేశ పెడితే తమ ఎమ్మెల్యేలకు విప్ జారీ చేస్తామని చెప్పారు. చేనేత, జౌళీ శాఖ మంత్రి శంకర్ రావుపై సరైన సమయంలో సరైన చర్యలు తీసుకుంటామని చెప్పారు. 108 సమస్యలు త్వరలో పరిష్కరిస్తామని చెప్పారు.