Posted: 11/27/2011 11:28 AM IST

టీడీపీ అధినేత చంద్రబాబు నాయుడు తదితరుల అక్రమ ఆస్తుల ఆరోపణలకు సంబంధించిన దాని పై చంద్రబాబు, ఆయనకు సంబంధించిన వ్యక్తులుగా చెప్పబడిన వారిపై (ప్రాథమిక విచారణ నెం. 7-2011) కేసు నమోదు చేసినట్లు సీబీఐ జేడీ లక్ష్మినారాయణ తెలిపారు. హైకోర్టు ఇచ్చిన మూడు నెలల గడువులోపే విచారణ పూర్తి చేస్తామని ఆయన తెలిపారు.

ఈ కేసు పై ఇప్పటికే దర్యాప్తు ప్రారంభించిన ఈడీ సీఐడీ ద్వారా దర్యాప్తు చేయించాలని రాష్ట్ర పోలీసులు భావిస్తున్నారు. చంద్రబాబు తదితరు పై కేసును కూడా హైదరాబాద్ యూనిట్ కే అప్పగిస్తూ ఆదేశాలు జారీ చేయడంతో, దీనికి సంబంధించిన కాపీలను హైకోర్టుకు వెళ్ళి తెచ్చుకున్నారు.

ఈ కేసు విచారణకు న్యూఢిల్లీతో పాటు సీబీఐ ఇతర యూనిట్లను అనుభవం ఉన్నవారిని రప్పిస్తున్నట్లు సమాచారం. వారు రాగానే బాబు, భువనేశ్వరి, లోకేష్, రామోజీరావు, ఉషోదయ పబ్లికేషన్స్, హెరిటేజ్ ఫుడ్స్, బిల్లీరావు, మురళీమోహన్, సుజనా చౌదరీ, సీఎం రమేష్ లకు సీబీఐ నోటీసులు జారీ చేసే అవకాశం ఉన్నట్లు తెలుస్తుంది.