బాబు మెప్పు కోసమే రోగులకు చికిత్స?

Posted: 04/17/2013 04:05 PM IST

పాదయాత్ర చేస్తున్న తెలుగుదేశం అధినేత నారా చంద్రబాబు నాయకుడు  మెప్పు కోసం కొంతమంది రాజకీయ నాయకులు,  వ్యాపారవేత్తలు, కొత్తపుంత్తలు తొక్కుతున్నారు.  టిడిపి పార్టీ పేరుతో  సమాజా సేవా చేస్తున్నట్లు  నటిస్తున్నారు.  వీరి మెప్పు కోసం  అమాయక ప్రజలు బలవుతున్నారు. మండుటెండల్లో  చంద్రబాబు పాదయాత్ర పేరుతో ప్రజలకు ఇబ్బంది కలిగిస్తున్నారు. ‘వస్తున్నా మీకోసం’ పాదయాత్రలో భాగంగా డి.యర్రవరం జంక్షన్‌లో ఎన్‌టీఆర్ ట్రస్టు, విశాఖడెయిరీ ఆధ్వర్యంలో వైద్య శిబిరం ఏర్పాటు చేశారు. దీనికి నర్సీపట్నం పాలశీతలీకరణ కేంద్రం పరిధిలోని అన్ని సంఘాల అధ్యక్షులు, కార్యదర్శులు పెద్ద ఎత్తున రోగులను ఉదయం తొమ్మిది గంటలకే తరలించారు. నిర్ణీత సమయానికి చంద్రబాబునాయుడు దీనిని ప్రారంభించకపోవడంతో వచ్చినవారంతా ఇబ్బందులకు గురయ్యారు. తీరిగ్గా మధ్యాహ్నం 12.35 గంటలకు బసనుంచి బయటకు రావడంతో విసుగుచెందిన కొందరు ఇంటి ముఖం పట్టారు. ఉన్నపాటి కొద్దిమందికి నామమాత్రంగా వైద్యసేవలు అందించి డెయిరీ అధికారులు చేతులు దులుపుకున్నారు. కేవలం చంద్రబాబు వద్ద మెప్పుకోసమే ఈ శిబిరం ఏర్పాటు చేశారన్న వాదన వ్యక్తమైంది.