ఉప్పు మితిమీరితే.. అంతే సంగతులు!

Posted: 09/03/2015 01:13 PM IST

Salt quantity issues indian food items health tips home remedies

సాధారణంగా.. ఏ వంటకంలోనైనా ఎన్ని దినుసులు వేసినప్పటికీ దానికి ఉప్పు కలిపితేనే మంచి రుచి వస్తుంది. అప్పుడు ఆ ఆహారం భుజించడానికి శుచిగా వుంటుంది. ఒకవేళ ఉప్పు లేకపోతే.. ఆ వంటకాన్ని అసలు తినడానికే వీలు కాదు. కాబట్టి.. ప్రతివంటకంలోనూ ఉప్పు ఎంతో అవసరం. అయితే.. ఉప్పుతో రుచి వస్తుంది కదాని ఎక్కువగా వేసుకుంటే.. అంటే సంగతులని నిపుణులు అంటున్నారు.

ఉప్పును పరిమితంగానే తీసుకోవాలని, లేకపోతే ప్రాణాలమీదకే వస్తుందని ఓ అధ్యయనం తేల్చింది కూడా! ఆ అధ్యయనం ప్రకారం.. అదనంగా ఉప్పు తీసుకున్న కారణంగా 2010లో ప్రపంచవ్యాప్తంగా 16 లక్షలమందికి పైగా మరణించారు. ఉప్పు అధిక మోతాదులో వాడడంతో వారందరూ గుండె సంబంధ సమస్యలకు గురై మృత్యువాత పడ్డారని న్యూ ఇంగ్లండ్ జర్నల్ ఆఫ్ మెడిసిన్ (ఎన్ఈజేఎం)లో ఓ అధ్యయనం ప్రచురితమైంది. ఈ అధ్యయనాన్ని టఫ్ట్స్ యూనివర్శిటీకి చెందిన ఓ వంద మంది సభ్యుల బృందం చేపట్టింది. మొత్తం 187 దేశాలకు చెందిన ప్రజల ఆహార అలవాట్లను ఈ అధ్యయనంలో భాగంగా పరిశీలించారు. ఈ పరిశీలన అనంతరం వెలువడిన నివేదికలో భాగంగా ఉప్పు మితంగానే తీసుకోవాలని వారు ఉచిత సలహా ఇస్తున్నారు.

ఇదిలావుండగా.. సగటున రోజుకి ఓ వ్యక్తి తీసుకోవాల్సిన ఉప్పు పరిమాణం 3.95 గ్రాములు వుండాలని వారు అంటున్నారు. అంతకుమించి ఎక్కువగా తీసుకుంటే చాలా ప్రమాదమని హెచ్చరిస్తున్నారు. కానీ.. భారత్ లో మాత్రం ఉప్ప పరిమాణం 7.6 గ్రాములుగా వున్నట్లు పరిశోధకులు గుర్తించారు. ఆ పరిమాణాన్ని సాధ్యమైనంత త్వరగా తగ్గించుకోవాలని.. లేకపోతే ఆ విషయం ఆందోళన కలిగించకమానదని వారు హెచ్చరిస్తున్నారు.