మన భారతదేశంలో లభించే రకరకాల పండ్లన్నింటిలోనూ మామిడికాయలు ఎంతో ప్రత్యేకమైనవి. పచ్చిమామిడికాయల నుంచి పండు మామిడికాయల వరకు ఇవి ఎన్నో రకాలుగా ఉపయోగపడుతాయి. చిన్న, పెద్ద అని తేడాలేకుండా ప్రతిఒక్కరు దీనిని ఎంతో ఇష్టంగా తింటారు. రకరకాల వంటకాలలోను మామిడిపండ్లను ఉపయోగిస్తారు. అందువల్లే దీనిని పండ్లకు రారాజుగా పేర్కొంటారు. ఇందులో వుండే టెంక కూడా కొన్ని రకాల వంటకాల్లో ఉపయోగిస్తారు. ఏటా కేవలం వేసవికాలంలో మాత్రమే లభించే ఈ మామిడికాయలలో మానవ ఆరోగ్యానికి అవసరమయ్యే వనరులు కూడా పుష్కలంగా కలిగి వుంటాయి. అటువంటి మామిడిలో వుండే ఆ వనరులు, వాటివల్ల కలిగే ప్రయోజనాల గురించి ఒకసారి తెలుసుకుందాం...

మామిడికాయల వల్ల కలిగే గొప్ప ఆరోగ్య ప్రయోజనాలు :

1. మానవ శరీరానికి ఎంతో అవసరమయ్యే జింక్, పొటాషియం, రాగి, సెలీనియం వంటి ముఖ్యమైన ఖనిజాలు మామిడిపండులో ఎంతో పుష్కలంగా లభిస్తాయి. ఈ ఖనిజాలు మన శరీర అభివృద్ధికి ఎంతో తోడ్పడుతాయి.

2. జీర్ణక్రియ వ్యవస్థను మెరుగుపరచడంలో మామిడిపండు ప్రధానపాత్రను పోషిస్తుంది. ఎందుకంటే... జీర్ణక్రియ రేటును పెంచేందుకు అవసరమయ్యే పైబర్ ఇందులో అధికంగా వుంటుంది. అలాగే శరీరంలో వుండే అనవసరమైన కొవ్వు పదార్థాలను తొలగించడంలో ఎంతో సహాయపడుతుంది. సాధారణంగా ప్రతిఒక్కరు రోజు వ్యాయామం చేసి, తమ శరీరంలో వుండే కొవ్వు పదార్థాలను కరిగించుకుంటారు. దాంతో వారి జీర్ణక్రియలో ఎటువంటి సమస్యలు ఏర్పడవు. అలాకాకుండా ప్రతిరోజూ రెండు మామిడికాయలను తింటే.. అది శరీరంలో విపరీతమైన వేడిని పుట్టిస్తోంది. ఫలితంగా శరీరంలో అనవసరంగా పేరుకుపోయిన కొవ్వు పదార్థాలు క్రమంగా కరిగిపోతాయి.

3. మామిడిపండ్లలో అధిక సంఖ్యలో వుండే యాంటీ ఆక్సిడెంట్లు.. క్యాన్సర్ కణాలతో పోరాడి ప్రోస్టేట్ క్యాన్సర్, లుకేమియా వంటి హానికరమైన అనేకరకాల క్యాన్సర్ లను తగ్గించడంలో సహాయపడుతాయి. శరీరంలో వుండే కొలెస్టిరాల్ శాతాన్ని తగ్గించి, రక్తప్రసరణకు తోడ్పడుతాయి.

4. సాధారణంగా కొంతమంది వ్యక్తులకు వేసవికాలంలో ఆహారం సరిగ్గా జీర్ణం కాదు. దాంతో అది ఆమ్లత్వానికి దారితీస్తుంది. అటువంటి సమయాంలో శరీరంలో వుండే ఆల్కలీన్ స్థాయిని సమతుల్యంగా వుంచేందుకు అవసరమయ్యే మాలిక్ యాసిడ్, సిట్రిక్ యాసిడ్ వంటి పోషకాలు మామిడిపండ్లలో శ్రేయస్కరంగా లభిస్తాయి.

5. మానవునిలో సెక్స్ డ్రైవ్ ను పెంచడానికి సహాయపడే విటమిన్-ఈ మామిడిపండులో అధిక మోతాదులో వుంటుంది. వీటిని నిత్యం తీసుకోవడం వల్ల పురుషుల్లో విర్లిటి శాతాన్ని పెంచుతుంది. ఫలితంగా మానవునిలో కోరికలు వేగవంతం అవుతాయి. ఇటువంటి లక్షణాలను మామిడిపండు కలిగి వుండటం వల్ల దీనిని ‘‘లవ్ ఫ్రూట్’’ అని పిలుస్తారు.

ఇలా ఈ విధంగా మామిడిపండ్లు మానవ ఆరోగ్యానికి అవసరమయ్యే రకరకాల ప్రయోజనాలను కల్పించడంతోపాటు... అనేకరకాల వంటకాల్లో కూడా ఉపయోగపడుతోంది. ఇటువంటి వైవిధ్యమైన లక్షణాలు కలిగిన పండు కాబట్టి దీనిని రారాజుగా ప్రతిఒక్కరు పేర్కొంటారు.