నా కోసం నయన్ ప్రేమ చూపులు?

Posted: 11/19/2013 10:40 AM IST

అప్పటి వరకు స్టార్ హోదాలో ఉంటే వ్యక్తి సడన్ గా సాదారణ హోదలోకి జారిపోయాడు. దాని కారణం అతని మీద వచ్చిన ఆరోపణలే. ఐపీఎల్ మ్యాచ్ ఫిక్సింగ్ లో చిక్కిన కేరళ ఫాస్ట్ బౌలర్ శ్రీశాంత్. ఎంత వేగంగా పేరు తెచ్చుకున్నాడో.. అంతే వేగంతో.. కిందపడిపోయాడు. అయితే ఐపిఎల్ మ్యాచ్ ఫిక్సింగ్ కేసులో జైలుకు వెళ్లిన బెయిల్ పై బయటకు వచ్చిన విషయం తెలిసిందే. అయితే ప్రతి ఒక్కరు శ్రీశాంత్ ను ఛీకొట్టినప్పటికి.. ఒక పెళ్లికానీ అమ్మాయి మాత్రం మనోడికి ఆసరగా నిలిచి, అన్ని సేవలు అందించింది. ఒకపక్క మ్యాచ్ ఫిక్సింగ్ కోసం దిగిజారిన వ్యక్తి అందరు చిన్నచూపు చూస్తుంటే..ఆ అమ్మాయి మాత్రం తన ప్రేమను పంచింది.

 

ఇప్పుడు ఆ ప్రేమ పెళ్లి వరకు వెళ్లటం జరిగింది. అయితే నయన్ ఎదురు చూపులు శ్రీశాంత్ లో మార్చు తెచ్చినట్లు కనబడుతుంది. అందుకే   శ్రీశాంత్ పెళ్లికి సిద్దమయ్యాడు. రాజస్థాన్ కు చెందిన ఓ రాయల్ కుటుంబానికి చెందిన నయన్ తో గురువాయూర్ లోని శ్రీ కృష్ణ ఆలయంలో డిసెంబర్ 12 తేదిన పెళ్లి జరుగుతుంది అని శ్రీశాంత్ తల్లి సావిత్రి దేవి తెలిపారు. గత కొద్ది సంవత్సరాలుగా వీరిద్దరి మధ్య ప్రేమ వ్యవహారం కొనసాగుతోందని.. ఐపీఎల్ ఆరవ ఎడిషన్ లో స్పాట్ ఫిక్సింగ్ పాల్పడి.. జైలుకెళ్లిన సమయంలో కూడా శ్రీశాంత్ కు నయన్ బాసటగా నిలిచినట్టు తెలిసింది.

 

స్పాట్ ఫిక్సింగ్ ఆరోపణలతో క్రికెట్ ఆడకుండా బీసీసీఐ సెప్టెంబర్ లో నిషేధం విధించింది. స్పాట్ ఫిక్సింగ్ వ్యవహారంలో ప్రస్తుతం శ్రీశాంత్ బెయిల్ పై ఉన్నారు. శ్రీశాంత్ పై మోకా (మహారాష్ట్ర కంట్రోల్ ఆఫ్ ఆర్గనైజడ్ క్రైమ్ యాక్ట్) కింద కేసు నమోదైంది. ఈ కేసు డిసెంబర్ 18 తేదిన విచారణకు రానుంది. ఇకనైన శ్రీశాంత్ జీవితం పై ఎలాంటి అవినీతి మరకలు పడకూడదని, ఈ ఇద్దరి జీవితం హాయిగా సాగిపోవాలని మనసారా కోరుకుందాం.