ఒంటరిగా వదిలేసి వెళ్లిపోయాడు?

Posted: 11/19/2013 12:39 PM IST

అవును అందుకే నన్ను ఒంటరిగా వదిలేసి వెళ్లిపోయాడు. ప్రేమ దాని మీద ఉన్నప్పుడు మనం ఎంత చేసిన, ఏం చూపించిన అతను ఇక్కడ ఉండలేడు. అందుకే మానందరినీ ఒంటరిగా వదిలేసి వెళ్లిపోయాడు. ఈ మాటలు అన్నది ఎవరు కాదు బాలీవుడ్ బ్యూటీ కత్రినా కైప్. ఇటీవల బాలీవుడ్ హీరో అమీర్ ఖాన్ , కత్రినా కైప్ ను ఒంటిరిగా వదిలేసి వెళ్లిపోవటం జరిగింది.

 

కత్రినా మొదటిసారిగా అమీర్ ఖాన్ తో కలిసి ధూమ్ 3 లో నటిస్తోంది. అమీర్ ఖాన్ కు సినిమాకన్నా క్రికెట్ అంటనే ఎక్కువ ప్రేమ అని కత్రినా కైప్ అంటుంది. అమీర్ ఖాన్‌తో పాటు అభిషేక్ బచ్చన్, ఉదయ్ చోప్రా, జాక్రీషాప్ వంటి తారాగణం నటిస్తోన్న ఈ భారీ యాక్షన్ ఎంటర్‌టైనర్ కోసం కత్రినా బాగానే కష్టపడిందని చిత్ర వర్గాలు అంటున్నాయి. ఈ సినిమా ప్రమోషన్ విషయంలో కూడా అమీర్‌ఖాన్‌తో సమానంగా కష్టపడుతోంది కత్రినా. ఇటీవల అమీర్ గైర్హాజరుతో చిత్ర ప్రమోషనల్‌లో పాల్గొంది కత్రినా.‘ధూమ్3’ ట్రైలర్ సాంగ్ విడుదలలో అమీర్‌ఖాన్, కత్రినా కైఫ్‌లు పాల్గొనాల్సివుంది.

 

అయితే సచిన్ ఆడుతున్న చివరి టెస్ట్ మ్యాచ్ చూడడానికి అమీర్‌ఖాన్ వెళ్లడంతో కార్యక్రమం మొత్తాన్ని ఒంటరిగానే నిర్వహించిందామె. ‘అమీర్‌కు సినిమా మీద ప్రేమకన్నా సచిన్‌మీదే ప్రేమ ఎక్కువ. అందుకే మా అందరినీ ఒంటరిగా వదిలేసి వెళ్లిపోయాడు. అయినా సరే నాయికగా నా బాధ్యతను నిర్వర్తించాను’ అంటూ పాత్రికేయులతో చెప్పుకొచ్చింది.