కోచ్ బరిలో అసీస్ స్పిన్ మాంత్రికుడా..‌?

Posted: 07/07/2017 08:47 PM IST

టీమిండియా ప్రధానకోచ్ కోసం మరో మూడు రోజుల్లో దరఖాస్తులు గడువు ముగియనుండటం.. ఆ వెనువెంటనే ప్రధాన కోచ్ ను ఎంపిక చేయడం అంతా పూర్తవుతాయన్న వార్తలతో అ పదవి ఎవర్ని వరిస్తుందన్న ఆసక్తి సర్వత్రా నెలకొన్న నేపథ్యంలో.. మరో జట్టుకు కూడా హెచ్ కోచ్ పదవికి ఎంపిక జరిగిందని వార్తలు అందుతున్నాయి. రెండేళ్ల నిషేధం పూర్తి చేసుకుని 2018 ఐపీఎల్‌లో అడుగుపెడుతోన్న జట్టు రాజస్థాన్‌ రాయల్స్‌ అసీస్ మాజీ స్పిన్ మాంత్రికుడ్ని తమ జట్టుకు హెచ్ కోచ్ గా నియమించుకుందన్న వార్తలు ఇప్పుడు హాట్ టాపిక్ గా మారాయి.

ఐపీఎల్ 2018లో తమ జట్టును బలమైన జట్లుగా తిర్చిదిద్ది.. మళ్లీ ఆటలో దమ్ము రేపేందుకు సిద్దమవుతన్న ఈ రెండు జట్లు.. తమ జట్టు కోసం మాజీ దిగ్గజ క్రికెటర్లను కోచ్ గా బరిలోకి దింపాలని భావిస్తున్నాయి. ఈ క్రమంలో రాజస్థాన్‌ జట్టు.. ఆస్ట్రేలియా మాజీ ఆటగాడు షేన్‌ వార్న్‌ను కోచ్‌గా ఎంపిక చేసుకోవాలని ప్రయత్నాలను ప్రారంభించిందన్న వార్తలు వస్తున్నాయి. 2008లో ఐపీఎల్‌ ట్రోఫీ గెలుచుకున్న రాజస్థాన్‌ జట్టుకు షేన్‌ వార్న్‌ నాయకత్వం వహించడమే ఇందుకు కారణంగా కూడా మీడియాలో కథానాలు వస్తున్నాయి.