కివీస్ తో టీమిండియా 3 టెస్టులు, 5 వన్డేలు.

Posted: 06/29/2016 05:57 PM IST

న్యూజిలాండ్ క్రికెట్ జట్టు తన భారత పర్యటనకు సంబంధించి షెడ్యూల్ ఖరారైంది. భారత పర్యటనలో మూడు టెస్టుల సిరీస్తో పాటు, ఐదు వన్డేల సిరీస్ను  న్యూజిలాండ్ ఆడనుంది. ఈ మేరకు ఇరు జట్ల ద్వైపాక్షిక సిరీస్ వివరాలను భారత క్రికెట్ కంట్రోల్ బోర్డు (బీసీసీఐ) తాజాగా వెల్లడించింది. సెప్టెంబర్ 22వ తేదీన తొలి టెస్టును కాన్పూర్లో నిర్వహిస్తుండగా, సెప్టెంబర్ 30వ తేదీన ఇండోర్లో రెండో టెస్టు ప్రారంభం కానుంది. దీంతో ఇండోర్ టెస్టు మ్యాచ్కు తొలిసారి ఆతిథ్యం ఇవ్వనుంది.

ఇక మూడో టెస్టు  అక్టోబర్ 8 నుంచి -12 వ తేదీ వరకూ ఈడెన్ గార్డెన్ లో జరుగనుంది. ఇక వన్డేల విషయానికొస్తే.. అక్టోబర్ 16వ తేదీన ధర్మశాలలో తొలి వన్డే, అక్టోబర్ 19వ తేదీన ఢిల్లీలోని ఫిరోజ్ షా కోట్ల మైదానంలో రెండో వన్డే, అక్టోబర్ 23వ తేదీన మొహాలీలో మూడో వన్డే, అక్టోబర్ 26వ తేదీన రాంచీలో నాల్గో వన్డే జరుగుతుండగా, చివరి వన్డేను అక్టోబర్ 26వ తేదీన విశాఖపట్నంలో నిర్వహించనున్నారు.

మనోహర్