దాయాధుల పోరులో గెలుపే లక్ష్యంగా బరిలోకి దిగుతాం

Posted: 03/18/2016 07:43 PM IST

చాలా ఏళ్ల తరువాత టీ 20 ప్రపంచ కప్ లో భాగంగా దాయాధులు భారత్ పాకిస్థాన్ మధ్య జరుగుతున్న మ్యాచ్ లో ఇరు జట్లపై ఒత్తిడి వుంటుందని టీమిండియా స్పిన్నర్ రవిచంద్రన్ అశ్విన్ అన్నారు. ఈ మ్యాచ్ లో ఒత్తిడి, అంచనాలు ఎలా ఉంటాయో తమకు తెలుసని తెలిపాడు. కోల్ కతాలోని ఈడెన్ గార్డెన్స్ స్టేడియంలో మీడియాతో మాట్లాడుతూ, బరిలోకి దిగే ప్రతీ జట్టు గెలవాలనే బరిలో దిగుతారని, తాము కూడా గెలుపే లక్ష్యంగా బరిలోకి దిగేతాయని అన్నాడు.

టీట్వంటీల్లో ఎవరూ ఫేవరేట్లు ఉండరని, అప్పుడు ఎవరు బాగా ఆడితే వారే మ్యాచ్ విన్నర్లు అవుతారని చెప్పాడు. పాకిస్థాన్ తో ఎలా ఆడాలో తమకు తెలుసని చెప్పాడు. గతంలో ఆ జట్టుతో చాలా మ్యాచ్ లు ఆడామని గుర్తుచేశాడు. ఆసీస్-ఇంగ్లండ్ మధ్య జరిగే యాషెస్ సిరీస్ కంటే భారత్-పాకిస్థాన్ జట్ల మధ్య మ్యాచ్ అంటే ఎక్కువ ఒత్తిడి, అంచనాలు, ఆశలు ఉంటాయని అశ్విన్ పేర్కొన్నాడు. భావోద్వేగాలను పక్కన పెట్టి మ్యాచ్ లో విజయం సాధించేందుకు ఆడుతామని అశ్విన్ తెలిపాడు.    

మనోహర్