విజయానికి 8 వికెట్ల దూరంలో టీమిండియా.. !

Posted: 08/23/2015 10:41 PM IST

Sri lanka 72 2 needs 341 more on final day of 2nd test

కొలంబో వేదికగా అథిత్య జట్టు శ్రీలంకతో జరుగుతున్న రెండో టెస్టు నాలుగో రోజున భారత్ దూకుడుగా ముందుకు సాగుతోంది. తొలి టెస్టును తమ చేతుల్లోంచి చివరి రోజున లాక్కున్న లంకేయులకు మళ్లీ అదే చివరి రోజు ముహూర్తం రానే వచ్చింది. రెండో టెస్టులో టీమిండియా విజయానికి కేవలం 8 వికెట్ల దూరంలో వుండగా, అదే చివరి రోజు ఎవరికి అదృష్టాన్ని వర్తింపజేస్తుందోనన్న ఉత్కంఠ రెండు జట్ల అభిమానుల్లో నెలకోంది. ఇదే టెస్టును మళ్లీ లంకేయులు గెలిచి సిరీస్ ను కైవసం చేసుకోవాలంటే ఇంకా 342 పరుగులు చేయాల్సి వుంది.

తొలి ఇన్నింగ్స్ లో లంకపై.. 87 పరుగుల ఆధిక్యాన్ని సాధించిన కోహ్లీ సేన.. రెండో ఇన్నింగ్స్ లో ఎనమిది వికెట్ల నష్టానికి 325 పరుగుల వద్ద డిక్లేర్ చేసింది. దీంతో లంక ముందు 413 పరుగులు విజయాలక్ష్యాన్ని నిర్ధేశించింది. పరుగుల వేటను సాగించిన లంక అదిలోనే రెండు వికెట్లను కోల్పోయి కష్టాల్లో పడింది. నాలుగో రోజు ఆట ముగిసేసరికి రెండు వికెట్ల నష్టానికి 72 పరుగులు చేసింది. కరుణరత్నే (25 బ్యాటింగ్), మాథ్యూస్ (23 బ్యాటింగ్) క్రీజులో ఉన్నారు. కౌశల్ సిల్వా ఒక్క పరుగుకే పెవిలియన్ చేరగా, వెటరన్ సంగక్కర తన చివరి ఇన్నింగ్స్లో 18 పరుగులకు అవుటయ్యాడు. భారత్ బౌలర్ అశ్విన్ రెండు వికెట్లు పడగొట్టాడు.

అంతకుముందు వికెట్ నష్టంతో 72 పరుగులు సాధించిన టీమిండియా ఓవర్నైట్ స్కోరుతో రెండో ఇన్నింగ్స్ కొనసాగించిన భారత్.. అజింక్యా రహానె (126) సెంచరీ సాయంతో రెండో ఇన్నింగ్స్ను 325/8 వద్ద డిక్లేర్ చేసింది. మురళీ విజయ్ (82) హాఫ్ సెంచరీకి తోడు రోహిత్ 34 పరుగులు చేశాడు. లంక బౌలర్లు కౌశల్, దమ్మిక ప్రసాద్ చెరో 4 వికెట్లు తీశారు. తొలి ఇన్నింగ్స్ల్లో భారత్ 393, లంక 306 పరుగులు చేసింది

జి. మనోహర్