ఫ్రెంచ్ ఓపెన్ లో ఈదురుగాలులు బీభత్సం..

Posted: 06/03/2015 04:24 PM IST

ఫ్రెంచ్ ఓపెన్ టెన్నిస్ టోర్నోమెంటుకు ఆతిథ్యమిచ్చిన ప్యారిస్‌లో బుధవారం ఈదురుగాలులు బీభత్సం సృష్టించాయి. ఈ ఈదురుగాలుల కారణంగా మ్యాచ్‌లు జరుగుతున్న ఫిలిప్ చాట్రియర్ స్టేడియంలో స్కోరు బోర్డుకు విరిగిపడింది. స్కోర్ బోర్డుకు ఉన్న స్టీల్ షీటు జనసమూహంపై ఊడిపడడంతో ఈ ప్రమాదం జరిగింది. దీంతో ముగ్గురు వీక్షకులకు స్వల్ప గాయాలయ్యాయి. వారికి ప్రాథమిక చికిత్స నిర్వహించి, ఆసుపత్రికి తరలించినట్టు టోర్నీ నిర్వాహకులు తెలిపారు.  
 
కాగా, ఈ మ్యాచ్లో ఫ్రెంచ్ ఆటగాడు సోంగా.. జపాన్ ప్లేయర్ నిషికోరిపై విజయం సాధించి సెమీస్లోకి ప్రవేశించాడు. ఫ్రెంచ్ ఓపెన్ సెమీస్కు అర్హత సాధించడం సోంగాకు ఇది రెండోసారి. సోంగా (ఫ్రాన్స్), నిషికొరి (జపాన్) మధ్య మ్యాచ్ సందర్భంగా ఈ ఘటన చోటుచేసుకుంది.

జి. మనోహర్